Gayatri Devi Alankaram | రెండో రోజు శ్రీ గాయత్రీ దేవి అలంకారం.. ఈ మంత్ర జపంతో సకల విజయాలు..

అక్షరటుడే వెబ్‌డెస్క్:  Gayatri Devi Alankaram | విజయవాడ  ( Vijayawada ) ఇంద్రకీలాద్రిపై శరన్నవరాత్రి ఉత్సవాలు అత్యంత వైభవంగా సాగుతున్నాయి. వేడుకల్లో భాగంగా రెండో రోజైన ఆశ్వయుజ శుద్ధ విదియ నాడు (అక్టోబర్ 12, సోమవారం) కనకదుర్గమ్మ ‘శ్రీ గాయత్రీ దేవి’ అలంకారంలో భక్తులకు దివ్యదర్శనమిస్తారు. సమస్త మంత్రాలకు, వేదాలకు మూలశక్తి అయిన గాయత్రీ దేవిగా అమ్మవారు భక్తులను కటాక్షిస్తారు.

Gayatri Devi Alankaram | గాయత్రీ దేవి అలంకారం..

గాయత్రీ దేవిని పంచ ముఖాలు (ఐదు ముఖాలు) కలిగి ఉన్న వేదమాతగా, త్రిమూర్త్యాంశ రూపిణిగా పురాణాలు వర్ణించాయి. ఈ దివ్య రూపంలో అమ్మవారిని దర్శించుకోవడం వల్ల భక్తులకు శారీరక ఆరోగ్యం, సకల ఐశ్వర్యాలు మరియు ఆధ్యాత్మిక జ్ఞానం లభిస్తాయని నమ్ముతారు. శ్రీచక్రంలో అమ్మవారు జ్ఞాన శక్తికి ప్రతీకగా పూజలందుకుంటారు.

Gayatri Devi Alankaram | మంత్ర జపం..

గాయత్రీ మంత్రం సమస్త వేదాల సారమని, బ్రహ్మజ్ఞానాన్ని ప్రసాదించే మహామంత్రమని పండితులు చెబుతారు. ఈ పవిత్ర దినాన గాయత్రీ మంత్రాన్ని జపించడం వల్ల వాక్సుద్ధి (మాట పలికే శక్తి), జ్ఞాపకశక్తి , నిత్య విజయాలు కలుగుతాయి. విద్యార్థులు, ఉపాసకులు ఈ అమ్మవారిని ఆరాధించడం వల్ల విద్యారంగంలో గొప్ప పురోగతి సాధిస్తారని భక్తుల ప్రగాఢ విశ్వాసం.

ఇది కూడా చదవండి:  Eagle Force | గోవా నుంచి డ్రగ్స్​ రవాణా.. ముఠా గుట్టురట్టు చేసిన ఈగల్​ ఫోర్స్​