అక్షరటుడే, వెబ్డెస్క్: Greece Helicopter Crash | గ్రీస్ దేశం (Greece Country)లోని ఏథెన్స్ సమీపంలో భారీ కార్చిచ్చు చెలరేగింది. మంటలను అదుపు చేసే ప్రయత్నాలకు సహాయం చేస్తున్న రెండు అగ్నిమాపక హెలికాప్టర్లు గాలిలో ఢీకొన్నాయి. ఘటనలో ఇద్దరు మరణించగా, మరో ఇద్దరు ప్రాణాలతో బయటపడ్డారు.
మృతులలో ఒక డానిష్ పైలట్, ఒక గ్రీక్ అగ్నిమాపక సేవా సంధాన అధికారి ఉన్నారు. రెండవ హెలికాప్టర్లోని ఒక బ్రిటిష్ పైలట్, మరో గ్రీక్ కో-ఆర్డినేటర్ ప్రాణాలతో బయటపడ్డారు. ఏథెన్స్కు 65 కిలోమీటర్ల దూరంలో జరిగిన ఈ ఘటనకు సంబంధించిన వీడియోలో, రెండు బెల్ హెలికాప్టర్లలో ఒకటి మరొకదాని ప్రొపెల్లర్లను ఢీకొట్టడం కనిపిస్తుంది. దీంతో ఆ ఓ హెలికాప్టర్ మంటల్లో కాలిపోయి ఒక లోయలో కూలిపోయింది. మరో హెలికాప్టర్ అత్యవసరంగా ల్యాండ్ అయింది.
Greece Helicopter Crash | సురక్షిత ప్రాంతాలకు..
గ్రీస్లో కార్చిచ్చులు చెలరేగడంతో పెద్ద ఎత్తున ప్రజలను సురక్షిత ప్రాంతాలకు తరలిస్తున్నారు. గ్రీక్ అగ్నిమాపక సేవల ప్రకారం, అట్టికా-బోయోటియా సరిహద్దులో చెలరేగిన భారీ కార్చిచ్చును అదుపు చేసే ప్రయత్నంలో భాగంగా, ఆస్ట్రేలియన్ కంపెనీ మెక్డెర్మాట్ ఏవియేషన్ నుండి లీజుకు తీసుకున్న రెండు బెల్ హెలికాప్టర్లు ఢీకొన్నాయి.ఈ ప్రమాదంపై గ్రీక్ ప్రధానమంత్రి కిరియాకోస్ మిత్సోటాకిస్ సంతాపం తెలిపారు. కాగా యూరప్ దేశాల్లో ఇటీవల ఉష్ణోగ్రతలు భారీగా పెరిగాయి. దీంతో తరచూ కార్చిచ్చు చెలరేగుతోంది. శీతాకాలం తేలికపాటి తేమతో కూడి ఉండటంతో వృక్షసంపద పెరుగుదలను ప్రోత్సహించింది. ఆ తర్వాత వరుసగా వచ్చిన వేడిగాలులతో చెట్లు ఎండిపోయి, కార్చిచ్చులకు ఆజ్యం పోసింది.
గాలిలో ఢీకొన్న రెండు హెలీకాప్టర్లు
గ్రీస్ దేశంలోని ఏథెన్స్ సమీపంలో భారీ కార్చిచ్చు చెలరేగింది. మంటలను అదుపు చేసే ప్రయత్నాలకు సహాయం చేస్తున్న రెండు అగ్నిమాపక హెలికాప్టర్లు గాలిలో ఢీకొన్నాయి. ఘటనలో ఇద్దరు మరణించగా, మరో ఇద్దరు ప్రాణాలతో బయటపడ్డారు.#Greece #Athens…
— Akshara Today | Telugu News (@aksharatoday) August 3, 2026
ఇది కూడా చదవండి..: Egypt Earthquake | ఈజిప్టును కుదిపేసిన భూకంపం..రిక్టర్ స్కేలుపై 5.5 తీవ్రత..అప్రమత్తమైన ప్రభుత్వం
