అక్షరటుడే, వెబ్డెస్క్ : Illegal Mining | హైదరాబాద్ నగరంలో అక్రమ మైనింగ్పై హైడ్రా ఉక్కుపాదం మోపింది. రంగారెడ్డి జిల్లా (రంగారెడ్డి జిల్లా)లోని 6 ప్రాంతాల్లో హైడ్రా అధికారులు మంగళవారం దాడులు చేశారు.
అనుమతులు లేకుండా నడుస్తున్న 6 స్టోన్ క్రషర్స్ను అధికారులు తొలగించారు. వట్టినాగులపల్లి, గౌలిదొడ్డి, కొత్వాల్గూడ ప్రాంతాల్లో తనిఖీలు చేపట్టారు. పొల్యూషన్ కంట్రోల్ బోర్డు, మైనింగ్, రెవెన్యూ శాఖల అధికారుల నుంచి వచ్చిన ఫిర్యాదుల ఆధారంగా చర్యలు చేపట్టారు. అక్రమంగా నడుస్తున్న యూనిట్లను ధ్వంసం చేశారు.
Illegal Mining | ప్రముఖ సంస్థలతో సంబంధం
నివాస ప్రాంతాలకు సమీపంలో ఉన్న ఈ క్వారీలతో ప్రజలకు తీవ్ర నష్టం జరుగుతోంది. పేలుళ్లు, కాలుష్యంతో స్థానికులు ఇబ్బందులు పడుతున్నారు. ప్రముఖ సంస్థలతో సంబంధం ఉన్న ఈ యూనిట్లు, హెచ్చరికలను సైతం బేఖాతరు చేస్తూ కార్యకలాపాలు కొనసాగించాయి. దీంతో వీటిని శాశ్వతంగా తొలగించారు. ఇందులో మంత్రి పొంగులేటికి (Minister Ponguleti) చెందిన రాఘవ కన్స్ట్రక్షన్ క్రషర్ కూడా ఉన్నట్లు సమాచారం. ఇటీవల దీనిపై బీఆర్ఎస్ విమర్శలు చేసిన విషయం తెలిసిందే. మాజీ మంత్రి హరీశ్రావు అసెంబ్లీలో దీని గురించి లేవనెత్తారు. తాజాగా ఆ క్రషర్ను తొలగించినట్లు తెలుస్తోంది.
ఇది కూడా చదవండి..: Nizampet Fire Accident | నిజాంపేట్లో భారీ అగ్నిప్రమాదం.. వరుసగా ఆరు ఫర్నిచర్ షాపులు దగ్ధం, స్థానికుల్లో ఆందోళన!
