అక్షరటుడే వెబ్డెస్క్: Money Mule Scam | బ్యాంక్ అకౌంట్ ఉంటే చాలు.. కేవలం డబ్బును అటు నుంచి ఇటు బదిలీ చేసినందుకు కమీషన్ ఇస్తామని వచ్చే ఆఫర్ల పట్ల ప్రజలు అత్యంత అప్రమత్తంగా ఉండాలని భారతీయ రిజర్వు బ్యాంకు (RBI) హెచ్చరించింది. సులభంగా డబ్బు సంపాదించవచ్చనే ఆశతో చేసే చిన్న తప్పులు, మిమ్మల్ని తీవ్రమైన చట్టపరమైన ఇబ్బందుల్లోకి నెట్టే ప్రమాదం ఉందని స్పష్టం చేసింది.
Money Mule Scam | ‘మనీ మ్యూల్స్’తో ప్రమాదం..
అక్రమంగా సంపాదించిన సొమ్మును, నేరాలకు సంబంధించిన డబ్బును మీ అకౌంట్ ద్వారా వేరొకరికి బదిలీ చేయిస్తే, మిమ్మల్ని ‘మనీ మ్యూల్స్’ (Money Mules) గా పరిగణిస్తారు. మీకు తెలియకుండానే నేరపూరిత కార్యకలాపాల్లో భాగస్వాములై, భారీ మూల్యం చెల్లించుకోవాల్సి వస్తుంది. ఒకవేళ మీ అకౌంట్ ద్వారా అపరిచిత వ్యక్తుల లావాదేవీలు జరిగితే, అందుకు పూర్తి బాధ్యత మీదేనని, ఈ క్రమంలో మీకు జైలు శిక్ష కూడా పడవచ్చని ఆర్బీఐ తీవ్రంగా హెచ్చరించింది.
Money Mule Scam | ఆర్బీఐ సూచనలు..
మీ బ్యాంక్ అకౌంట్ వివరాలు, ఓటీపీలు (OTP), పాస్వర్డ్లను ఎట్టి పరిస్థితుల్లోనూ ఎవరితోనూ పంచుకోవద్దు. బ్యాంక్ ఖాతాను కేవలం మీ వ్యక్తిగత అవసరాల కోసమే వాడుకోండి. ఇతరుల డబ్బును బదిలీ చేసేందుకు మీ ఖాతాను అస్సలు ఉపయోగించుకోనివ్వకండి. ఈజీ మనీ పేరుతో వచ్చే ఆకర్షణీయమైన ఆఫర్లను నమ్మకండి. సైబర్ మోసాల పట్ల మరింత అవగాహన కోసం ఆర్బీఐ అధికారిక వెబ్సైట్ https://rbikehtahai.rbi.org.in/telugu/index.html ని సందర్శించాలని కోరింది. డిజిటల్ యుగంలో మీ ఆర్థిక సమాచారాన్ని గోప్యంగా ఉంచుకోవడమే సురక్షితం. అపరిచిత ఆఫర్ల కోసం ఆశపడి మీ జీవితాన్ని రిస్కులో పెట్టుకోవద్దని ఆర్బీఐ ఖాతాదారులను కోరింది.
ఇది కూడా చదవండి: Telangana Rain Alert | తెలంగాణలో రెండు రోజులు భారీ వర్షాలు.. 6 జిల్లాలకు రెడ్ అలర్ట్!
