అక్షరటుడే, వెబ్డెస్క్: Mumbai Student Protest | నీట్ (NEET) ప్రశ్నపత్రం లీక్ వ్యవహారం దేశవ్యాప్తంగా రాజకీయ వేడిని పెంచుతుండగా, మహారాష్ట్ర Maharastra రాజధాని ముంబయిలో వేలాది మంది విద్యార్థులు, యువత, శివసేన (యూబీటీ) కార్యకర్తలు భారీ నిరసన చేపట్టారు.
దాదర్లోని చారిత్రాత్మక శివాజీ పార్క్ నుంచి నిర్వహించిన ‘తిరంగా మోర్చా’లో భారీగా ప్రజలు పాల్గొని కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు.
Himachal Taxi Accident | ఘోర విషాదం.. కొండచరియల కింద టాక్సీ నుజ్జునుజ్జు.. 13 మంది దుర్మరణం
Mumbai Student Protest | విద్యార్థుల భారీ ర్యాలీ
జాతీయ జెండాలు, నిరసన ప్లకార్డులతో విద్యార్థులు భారీ ర్యాలీ నిర్వహించగా, శివసేన (యూబీటీ) నేత ఆదిత్య ఠాక్రే కూడా పాల్గొన్నారు. కేంద్ర మంత్రి రాజీనామా చేసే వరకు ఉద్యమాన్ని కొనసాగించాలని, ఉద్యమానికి నాయకత్వం వహిస్తున్న సీజేపీ వ్యవస్థాపకుడు అభిజీత్ దిప్కే వెనక్కి తగ్గవద్దని తాను కోరినట్లు ఆదిత్య ఠాక్రే తెలిపారు.
ఇదే సమయంలో ముంబయి పోలీసుల తీరుపై కొత్త వివాదం చెలరేగింది. నిరసనలో పాల్గొన్న ఓ మహిళా కార్యకర్తతో ఓ పోలీసు అధికారి అనుచితంగా ప్రవర్తించినట్లు ఆరోపిస్తూ సామాజిక మాధ్యమాల్లో వైరల్ అయిన వీడియో తీవ్ర చర్చకు దారితీసింది.
Mumbai Student Protest | పోలీసు అధికారి సస్పెండ్కు డిమాండ్
అయితే, వైరల్ వీడియోలో కనిపిస్తున్న దృశ్యాలను తప్పుగా అర్థం చేసుకుంటున్నారని ముంబయి పోలీసులు వివరణ ఇచ్చారు. విధి నిర్వహణలో భాగంగానే ఆ చర్యలు జరిగాయని పేర్కొన్నారు. అయినప్పటికీ, ప్రతిపక్ష పార్టీలు సంబంధిత పోలీసు అధికారిని వెంటనే సస్పెండ్ చేసి ఘటనపై స్వతంత్ర విచారణ జరపాలని డిమాండ్ చేశాయి.
నీట్ పరీక్షల పారదర్శకత, విద్యార్థుల భవిష్యత్తు, పోలీసుల వ్యవహారశైలి వంటి అంశాలు ఒకేసారి చర్చకు రావడంతో ఈ నిరసన రాజకీయంగానూ, సామాజికంగానూ ప్రాధాన్యత సంతరించుకుంది. దేశవ్యాప్తంగా విద్యార్థి ఉద్యమాలకు ఇది మరింత ఊతమిచ్చే అవకాశముందని రాజకీయ విశ్లేషకులు భావిస్తున్నారు.
