అక్షరటుడే, వెబ్డెస్క్ : Murasu Cyclone | మరో తుపాన్ దూసుకొస్తోంది. బంగాళాఖాతంలో ఏర్పడిన మురాసు తీవ్ర తుపాన్గా మారింది. దీని ప్రభావంతో ఏపీతో పాటు తెలంగాణ (Telangana)లోని పలు జిల్లాల్లో భారీ వర్షాలు కురుస్తాయని వాతావరణ శాఖ అధికారులు తెలిపారు.
మురాసు తుపాన్ సోమవారం అర్ధరాత్రి లేదా మంగళవారం తెల్లవారుజామున తీరాన్ని తాకే అవకాశం ఉంది. ఆ సమయంలో గంటకు 120 కి.మీ వేగంతో ఈదురుగాలులు వీస్తాయి. తుపాన్ ప్రభావంతో తెలుగు రాష్ట్రాల్లోని పలు ప్రాంతాల్లో ఇప్పటికే వర్షాలు ప్రారంభం అయ్యాయి. తూర్పు గోదావరి జిల్లాలో ఉదయం నుంచి ఎడతెరిపి లేకుండా వర్షం కురుస్తుండటంతో ప్రజలు ఇబ్బందులు పడుతున్నారు.
Murasu Cyclone | తెలంగాణలో..
తుపాను ప్రభావంతో నవంబర్ 3, 4, 5 తేదీల్లో దక్షిణ తెలంగాణలోని పలు ప్రాంతాల్లో భారీ వర్షాలు కురుస్తాయి. వాతావరణం మేఘావృతమై, చల్లగా ఉంటుంది. మంగళవారం మధ్యాహ్నం నుంచి బుధవారం అర్ధరాత్రి వరకు మురాస్ ప్రభావం తెలంగాణపై అధికంగా ఉంటుంది. నల్గొండ, నాగర్‌కర్నూల్, సూర్యాపేట, వనపర్తి జిల్లాల్లోని కొన్ని ప్రాంతాల్లో భారీ వర్షాలు కురిసే ఛాన్స్ ఉంది. ఇతర జిల్లాల్లో మోస్తరు వర్షాలు కురుస్తాయి. నవంబర్ 6 తర్వాత తెలంగాణ అంతటా వర్షాలు తగ్గుతాయి.
ఇది కూడా చదవండి..: Secunderabad railway fake currency | సికింద్రాబాద్ రైల్వే స్టేషన్‌లో భారీ నకిలీ కరెన్సీ రాకెట్ రట్టు.. 19 ఏళ్ల కుర్రాడి వద్ద రూ.60 లక్షల దొంగ నోట్లు సీజ్!
