అక్షరటుడే, వెబ్డెస్క్ : Prajwal Revanna | అత్యాచార కేసులో దోషిగా తేలి జీవిత ఖైదు అనుభవిస్తున్న మాజీ జనతా దళ్ (సెక్యులర్) ఎంపీ ప్రజ్వల్ రేవణ్ణ, తాను ఉన్న బెంగళూరు (Bengaluru) జైలులో మొబైల్ ఫోన్తో దొరికాడు. క్రైమ్ బ్రాంచ్ అధికారులు జరిపిన ఆకస్మిక తనిఖీలో రేవణ్ణ ఫోన్ వాడుతూ కనిపించారు.
ప్రజ్వల్ రేవణ్ణను గతంలో అరెస్ట్ చేసిన విషయం తెలిసిందే. ప్రస్తుతం ఆయన బెంగళూరు జైలులో ఉన్నాడు. పరప్పన అగ్రహార సెంట్రల్ జైల్లో భద్రతపై తీవ్ర అనుమానాలు వ్యక్తమయ్యాయి. దీంతో సీసీబీ బృందం ఆకస్మిక తనిఖీలు చేపట్టింది. శిక్ష అనుభవిస్తున్న మాజీ ఎంపీ ప్రజ్వల్ రేవణ్ణ గదిలో అనుమతి లేని వస్తువులు దొరికాయి. అండ్రాయిడ్ ఫోన్, ఛార్జర్, పెన్ డ్రైవ్, డైరీని అధికారులు స్వాధీనం చేసుకున్నారు. అధికారులు దీనిపై చర్యలు తీసుకుంటూ, విధి నిర్వహణలో నిర్లక్ష్యం వహించినందుకు ఒక సీనియర్ జైలు అధికారిని సస్పెండ్ చేశారు. ప్రజ్వల్ రేవణ్ణ సెల్ వద్ద భద్రతా లోపాలపై మరో అధికారికి నోటీసులు జారీ చేశారు. జైలు అసిస్టెంట్ సూపరింటెండెంట్ ఈరన్న రంగపూర్ సస్పెండ్ అయ్యారు.
Prajwal Revanna | జీవిత ఖైదు
మాజీ ప్రధాని హెచ్.డి. దేవెగౌడ మనవడు, కేంద్ర మంత్రి హెచ్.డి. కుమారస్వామి మేనల్లుడైన రేవణ్ణకు అత్యాచారం, బెదిరింపులకు పాల్పడినందుకు గత ఏడాది జీవిత ఖైదు విధించారు. 48 ఏళ్ల మహిళపై లైంగిక దాడికి సంబంధించిన వీడియోలను ప్రచారం చేసినందుకు కూడా ఆయన దోషిగా తేలారు. హసన్ జిల్లాలోని హోలెనరసిపురలో ఉన్న రేవణ్ణ కుటుంబపు ఫామ్హౌస్లో పనిమనిషిగా పనిచేసిన ఆ మహిళ 2021 నుంచి ప్రజ్వల్ రేవణ్ణ తనపై పదేపదే అత్యాచారం చేశారని ఆరోపించారు.
ఆ వీడియోలు బయటకు వచ్చిన వెంటనే రేవణ్ణ జర్మనీకి వెళ్లిపోయారు, ఆ తర్వాత JD(S) పార్టీ ఆయనను సస్పెండ్ చేసింది. ఆయన 2024 లోక్సభ ఎన్నికల్లో ఓడిపోయారు, జర్మనీ నుండి తిరిగి వచ్చిన తర్వాత పోలీసులు అరెస్ట్ చేశారు. జైలులో ఉన్న ఈ అత్యాచార దోషికి వీఐపీ తరహా ప్రత్యేక సౌకర్యాలు కల్పిస్తున్నారనే ఆరోపణలు తలెత్తుతున్నాయి. దీంతో ఆయనను సాధారణ బ్యారక్కు తరలించారు.
ఇది కూడా చదవండి..: Parliament Monsoon Session | పార్లమెంట్ వర్షాకాల సమావేశాలు ముగింపు.. ఆఖరి రోజు కూడా నిరసనల హోరు
