అక్షరటుడే, వెబ్డెస్క్: Telangana Employee SR Digitization | తెలంగాణ రాష్ట్ర ప్రభుత్వం పరిపాలన రంగాన్ని ఆధునీకరించే దిశగా మరో కీలక నిర్ణయం తీసుకుంది. ప్రభుత్వ ఉద్యోగుల రికార్డులను డిజిటల్ రూపంలో భద్రపరచడానికి, పారదర్శకత, జవాబుదారీతనాన్ని పెంపొందించడానికి వీలుగా హ్యూమన్ రిసోర్సెస్ మేనేజ్మెంట్ సిస్టమ్ (HRMS) విధానాన్ని అమలు చేయాలని నిశ్చయించింది.
Telangana Employee SR Digitization |
ఈ మేరకు సోమవారం (మే 18, 2026) ఆర్థిక (HRM.VII) శాఖ ప్రత్యేక కార్యదర్శి సిక్తా పట్నాయక్ అధికారిక సర్క్యులర్ మెమో (నం. 3818703-A/152/A2/HRM.VII/2026) జారీ చేశారు.
ఈ కొత్త విధానం ద్వారా ఐఎఫ్ఎంఐఎస్ (IFMIS) పోర్టల్ వేదికగా ఉద్యోగుల సమాచారాన్ని డిజిటలైజ్ చేయనున్నారు.
భవిష్యత్తులో ఈ వ్యవస్థ ద్వారానే ఈ-పెన్షన్లు, పేరోల్ ప్రాసెసింగ్ (జీతాల చెల్లింపులు), లీవ్ మేనేజ్మెంట్, ఉద్యోగుల కెరీర్ ట్రాకింగ్ వంటి కీలక సేవలను అనుసంధానించనున్నారు.
Telangana Employee SR Digitization | మే 31 లోగా ప్రక్రియ పూర్తి కావాలి
మొదటి విడతగా రాష్ట్రంలోని అందరు రెగ్యులర్ ప్రభుత్వ ఉద్యోగుల సర్వీస్ రిజిస్టర్ల (S.R.) డిజిటలైజేషన్ను ప్రభుత్వం అత్యంత ప్రాధాన్యత అంశంగా (Most Important) పేర్కొంది.
అన్ని సచివాలయ విభాగాలు (Secretariat Departments), శాఖాధిపతులు (Heads of Departments) తమ పరిధిలోని రెగ్యులర్ ఉద్యోగుల సర్వీస్ రిజిస్టర్లను స్కాన్ చేయాలి.
ఆ స్కాన్ చేసిన కాపీలను సంబంధిత డ్రాయింగ్ అండ్ డిస్బర్సింగ్ ఆఫీసర్స్ (DDOs) లాగిన్ల ద్వారా మే 31, 2026 లోగా ఐఎఫ్ఎంఐఎస్-హెచ్ఆర్ఎమ్ఎస్ (IFMIS-HRMS) మోడ్యూల్లో తప్పనిసరిగా అప్లోడ్ చేయాల్సి ఉంటుంది.
అప్లోడ్ చేసే స్కాన్డ్ కాపీలు అత్యంత స్పష్టంగా (Clear), సంపూర్ణంగా ఉండి, ముందస్తుగా వెరిఫై చేయబడి ఉండాలని ప్రభుత్వం స్పష్టం చేసింది. దీనికి సంబంధించిన సమగ్ర నిబంధనలను ఐఎఫ్ఎంఐఎస్ పోర్టల్లో అందుబాటులో ఉంచారు.
Telangana Employee SR Digitization | నోడల్ అధికారుల నియామకం
ఈ ప్రక్రియను నిరంతరం పర్యవేక్షించడానికి (Monitoring & Follow-up) డాక్టర్ బీఆర్ అంబేడ్కర్ తెలంగాణ సచివాలయంలోని అన్ని అడ్మినిస్ట్రేటివ్ విభాగాలు ఒక సీనియర్ అధికారిని ‘నోడల్ ఆఫీసర్’ గా నామినేట్ చేయాలని, వారి వివరాలను ఐఎఫ్ఎంఐఎస్ పోర్టల్లో నమోదు చేయాలని ప్రభుత్వం ఆదేశించింది.
ఈ డిజిటలైజేషన్ ప్రక్రియ ద్వారా ఉద్యోగులకు సంబంధించిన రికార్డులు సురక్షితంగా ఉండటమే కాకుండా, ఉద్యోగ సమాచారం ఎప్పటికప్పుడు సులభంగా అందుబాటులోకి రానుంది.
Telangana Government GO 685 | ఉద్యోగ, ఉపాధ్యాయ సంఘాల నేతలకు ‘అదర్ డ్యూటీ’ సౌకర్యం.. ఉత్తర్వులు జారీ
