అక్షరటుడే, వెబ్డెస్క్: Thermal paper receipts | షాపింగ్ మాల్స్లో వస్తువులు కొన్నా, ఏటీఎం మెషిన్ల వద్ద నగదు ఉపసంహరించుకున్నా మన చేతుల్లోకి వచ్చే కాగితపు రసీదులు (Receipts) మన ఆరోగ్యానికి తీవ్ర విఘాతం కలిగిస్తున్నాయని శాస్త్రీయ అధ్యయనాలు హెచ్చరిస్తున్నాయి.
పదే పదే ఈ రసీదులను నేరుగా తాకడం వల్ల అత్యంత ప్రమాదకరమైన రసాయనాలు మన రక్తంలోకి చేరే అవకాశం ఉందని ఆరోగ్య నిపుణులు స్పష్టం చేస్తున్నారు.
Thermal paper receipts | రసీదులలో ఉండే ప్రమాదకర రసాయనాలు ఏవి?
ఏటీఎంలు, షాపింగ్ మాల్స్, పెట్రోల్ బంకులలో ఉపయోగించేది సాధారణ కాగితం కాదు. దాన్ని థర్మల్ పేపర్ (Thermal Paper) అంటారు. ఇంక్ లేకుండా కేవలం వేడి ద్వారానే ప్రింట్ అయ్యేలా ఈ రసీదుల ఉపరితలంపై బిస్ఫెనాల్ A (BPA) లేదా బిస్ఫెనాల్ S (BPS) అనే రసాయనాల కోటింగ్ ఉంటుంది.
Samantha Seemantham | సీమంతంలో శ్రీవిద్యా సొబగులు..కళా ఆవరణలో మాతృత్వానికి దైవత్వపు అభిషేకం!
ఈ రసాయనాలు కాగితంపై లూజ్గా ఉండటం వల్ల పట్టుకోగానే చర్మానికి అంటుకుని, రక్తంలోకి చేరుతాయి. శరీరంలోకి చేరిన ఈ రసాయనాలు ఎండోక్రైన్ డిస్రప్టర్లు (Endocrine Disruptors) గా పనిచేస్తాయి. ఇవి ఈస్ట్రోజెన్ హార్మోన్ల సమతుల్యతను దెబ్బతీసి థైరాయిడ్, సంతానోత్పత్తి లోపాలు, ఊబకాయం, రొమ్ము, ప్రొస్టేట్ క్యాన్సర్లకు కారణమవుతాయని నిపుణులు చెప్తున్నారు.
Thermal paper receipts | ఏ రసీదులు ప్రమాదకరం?
రసీదు రకం ఉపయోగించే సాంకేతికత కెమికల్ ముప్పు ఉందా?ఏటీఎం, పీఓఎస్ (POS), షాపింగ్ బిల్లులు థర్మల్ ప్రింటింగ్ (BPA/BPS కోటింగ్)ఉంది (ప్రమాదకరం)
Thermal paper receipts | ఏవి సురక్షితం?
స్కూల్, కాలేజ్, కరెంట్ బిల్లులు, ఇంక్జెట్ / లేజర్ ప్రింటింగ్ (నార్మల్ పేపర్) సురక్షితం. థర్మల్ పేపర్ కాస్త నునుపుగా ఉంటుంది. దానిపై గోరుతో వేగంగా గీకితే నల్లటి గీత పడుతుంది.
Thermal paper receipts | ఈ ప్రమాదం నుంచి తప్పించుకోవడం ఎలా?
డిజిటల్ రసీదులు ఎంచుకోవడం: పేపర్ రసీదులకు బదులుగా ఎస్ఎంఎస్ (SMS), ఇమెయిల్ ద్వారా డిజిటల్ స్లిప్లను తీసుకోవడం శ్రేయస్కరం.
శానిటైజర్ వాడిన వెంటనే తాకొద్దు: చేతులకు శానిటైజర్, హ్యాండ్ లోషన్ రాసుకున్నప్పుడు చర్మం రసాయనాలను 100 రెట్లు వేగంగా పీల్చుకుంటుంది. ఆ సమయంలో థర్మల్ రసీదులను తాకకూడదు.
గ్లౌజ్ లేదా క్లాత్ ఉపయోగించడం: క్యాషియర్లు, నిరంతరం రసీదులతో పనిచేసేవారు చేతికి గ్లౌజులు ధరించడం.. లేదంటే పట్టుకున్న వెంటనే సబ్బుతో చేతులు కడుక్కోవడం మంచిది.
