అక్షరటుడే, వెబ్డెస్క్ : Heavy Rain Havoc | తెలుగు రాష్ట్రాలను అకాల వర్షాలు వదలడం లేదు. రోజంతా ఎండలు దంచి కొడుతున్నా.. సాయంత్రం కాగానే వాతావరణం ఒక్కసారిగా మారిపోతుంది. ఈదురు గాలులతో కూడిన భారీ వర్షం పడుతోంది. దీంతో పంట ఉత్పత్తులు తడిసిపోయి రైతులు తీవ్రంగా నష్టపోతున్నారు.
తెలంగాణ (Telangana), ఏపీలోని పలు ప్రాంతాల్లో మంగళవారం సాయంత్రం భారీ వర్షం కురిసింది. ఆంధ్రప్రదేశ్లోని విశాఖపట్నం, విజయనగరం, అనంతపురం, తిరుపతి, అనకాపల్లి జిల్లాల్లో వాన పడింది. తెలంగాణలోని జగిత్యాల, హన్మకొండ, భూపాలపల్లి, మంచిర్యాల, పెద్దపల్లి జిల్లాల్లో వాన బీభత్సం సృష్టించింది. ఈదరుగాలుల దాటికి అనేక చెట్లు నేలకొరిగాయి. విద్యుత్ స్తంభాలు విరిగిపడ్డాయి. కొనుగోలు కేంద్రాల్లోని ధాన్యం, మక్కలు తడిసిపోయాయి.
Heavy Rain Havoc | హన్మకొండలో..
హనుమకొండ (Hanmakonda) జిల్లాలో వాతావరణం ఒక్కసారిగా మారిపోయింది. దుమ్ము, ధూళితో కూడిన ఈదురుగాలులు ఉధృతంగా వీస్తుండటంతో వాతావరణం భయానకంగా మారింది. గాలుల తీవ్రత చాలా ఎక్కువగా ఉండటంతో, ధాన్యంపై కప్పిన పరదాలు సైతం కొట్టుకుపోతుండటంతో రైతులు ఇబ్బందులు పడుతున్నారు.
Heavy Rain Havoc | విశాఖ బీచ్ రోడ్డులో అరుదైన దృశ్యం
విశాఖపట్నం (Visakhapatnam) బీచ్ రోడ్డు పరిసర ప్రాంతాల్లో ఆకాశంలో అద్భుత దృశ్యం ఆవిష్కృతమైంది. ఆకాశమంతా దట్టమైన నల్లటి మబ్బులు కమ్ముకోవడంతో పగలే చీకటిగా మారిన వాతావరణం ఏర్పడింది. ఈ క్రమంలో సముద్రం, ఆకాశం రెండు ఒకదానికొకటి కలిసిపోయాయా అన్నట్లుగా కనిపించిన అత్యంత అరుదైన దృశ్యం స్థానికులను, పర్యాటకులను విశేషంగా ఆకట్టుకుంది.
Heavy rain with gusty winds this evening at anantapur andhra pradesh credits Chanduprakash pic.twitter.com/fNbenUkvpS
— MasRainman (@MasRainman) May 26, 2026
దీనిని కూడా చదవండి : Mudiraj BC-A Demand | ముదిరాజ్లను బీసీ-ఏ జాబితాలోకి చేర్చాలి: ఈటల రాజేందర్
