అక్షరటుడే, వెబ్డెస్క్ : Pharmacy Shop Inspections | తెలంగాణ ఔషధ నియంత్రణ పరిపాలన (DCA) విభాగం అధికారులు మెడికల్ దుకాణాలపై ఆకస్మికంగా తనిఖీలు చేశారు. 166 మెడికల్ షాపులలో సోదాలు చేశారు. నిబంధనల ఉల్లంఘనలు గుర్తించిన 41 షాపులకు షోకాజ్ నోటీసులు జారీ చేశారు.
రాష్ట్రవ్యాప్తంగా ఆన్లైన్ ఫార్మసీ (Online Pharmacy) కార్యకలాపాలపై ఒక ప్రత్యేక ఎన్ఫోర్స్మెంట్ డ్రైవ్ను అధికారులు ప్రారంభించారు. ఇందులో భాగంగా శనివారం 166 మెడికల్ షాపులను తనిఖీ చేయగా, ఔషధ నిబంధనలను ఉల్లంఘించారనే ఆరోపణలపై 41 సంస్థలకు షో-కాజ్ నోటీసులు జారీ చేశారు. ఈ మేరకు ఆదివారం అధికారులు వివరాలు వెల్లడించారు. బీ2బీ ప్లాట్ఫామ్లకు చెందిన ఏడు షాపులో సోదాలు చేపట్టారు. ఆన్లైన్ ఫార్మసీ ఆపరేటర్ల లైసెన్స్ పొందిన ప్రాంగణాలు, వారి నెట్వర్క్ భాగస్వామ్య ఫార్మసీలతో సహా, ఆన్లైన్ మందుల డెలివరీ సేవలకు అనుసంధానం అయిన షాపులను తనిఖీ చేశారు.
Pharmacy Shop Inspections | అనేక అవకతవకలు
తనిఖీల సమయంలో అనేక అవకతవకలు గుర్తించినట్లు అధికారులు తెలిపారు. అమ్మకాల రికార్డులు, ప్రిస్క్రిప్షన్ మందుల రిజిస్టర్లు, షెడ్యూల్ హెచ్1 మందుల రిజిస్టర్లను నిర్వహించకపోవడం, కొనుగోలు ఇన్వాయిస్లను సమర్పించలేకపోవడం, రిజిస్టర్డ్ వైద్యుల నుండి చెల్లుబాటు అయ్యే ప్రిస్క్రిప్షన్లు లేకుండా మందులను పంపిణీ చేయడం వంటి లోపాలను గుర్తించారు. 41 మెడికల్ షాపులకు షో-కాజ్ నోటీసులు జారీ చేశామని, వారి స్పందనలను పరిశీలించిన తర్వాత చర్యలు తీసుకుంటామని అధికారులు తెలిపారు.
#Telangana:#Telangana Drugs Control Administration conducted a special enforcement drive against #onlinepharmacies on June 6, inspecting 166 medical shops linked to #onlineplatforms across the State.#ShowCauseNotices were issued to 41 shops after violations of rules were… pic.twitter.com/cHfgE70Q1l
— NewsMeter (@NewsMeter_In) June 7, 2026
దీనిని కూడా చదవండి : Kukatpally Pub Raid | పబ్లో గలీజ్ దందా.. మేనేజర్ అరెస్ట్
