అక్షరటుడే వెబ్డెస్క్: INDIA Alliance Meeting | ప్రతిపక్షాల ‘ఇండియా’ (INDIA) కూటమి ఇకపై ప్రతి రెండు నెలలకోసారి సమావేశం కావాలని నిర్ణయించింది. ఇందులో భాగంగా తదుపరి కీలక భేటీని ఆగస్టు 8న హైదరాబాద్లో నిర్వహించనున్నట్లు కాంగ్రెస్ జాతీయ అధ్యక్షుడు మల్లికార్జున ఖర్గే వెల్లడించారు. అయితే, ఈ ప్రకటన వెలువడినప్పటి నుంచి సోషల్ మీడియాలో ‘ఇండియా’ కూటమి సమావేశాలపై సరికొత్త చర్చ నడుస్తోంది.
INDIA Alliance Meeting | కూటమి సమావేశాలు కలిసి రావడం లేదా?
‘ఇండియా’ కూటమి సమావేశాలు ఆయా ప్రాంతీయ పార్టీల నేతలకు అరిష్టాన్ని తెచ్చిపెడుతున్నాయంటూ రాజకీయ విశ్లేషకులు, నెటిజన్లు పాత విషయాలను గుర్తు చేస్తున్నారు. గతంలో 2023లో జరిగిన కూటమి సమావేశాల తర్వాత మహారాష్ట్రలో సీనియర్ నేత శరద్ పవార్ తన సొంత పార్టీ (ఎన్సీపీ)పైనే నియంత్రణ కోల్పోవాల్సి వచ్చింది. ఆయన పార్టీ రెండుగా చీలిపోయి అజిత్ పవార్ చేతిలోకి వెళ్లిన విషయాన్ని ఈ సందర్భంగా ప్రస్తావిస్తున్నారు.
INDIA Alliance Meeting | మమతా బెనర్జీ విషయంలోనూ..
తాజాగా పశ్చిమ బెంగాల్ ముఖ్యమంత్రి, తృణమూల్ కాంగ్రెస్ అధినేత్రి మమతా బెనర్జీ విషయంలోనూ అలాంటి పరిణామాలే కనిపిస్తున్నాయని, శరద్ పవార్ తరహాలోనే నేడు దీదీ విషయంలోనూ చరిత్ర పునరావృతమైందంటూ సోషల్ మీడియాలో కామెంట్లు వ్యక్తమవుతున్నాయి. కూటమి భేటీలు జరిగినప్పుడల్లా అందులోని భాగస్వామ్య పక్షాలకు ఏదో ఒక రాజకీయ సంక్షోభం ఎదురవుతోందని విమర్శకులు అభిప్రాయపడుతున్నారు. ఈ నేపథ్యంలోనే ఆగస్టు 8న హైదరాబాద్లో జరగబోయే తదుపరి సమావేశంపై అందరి దృష్టి పడింది.
“INDIA bloc to meet every 2 months, next meeting to be held in Hyderabad on August 8.”
– Mallikarjun Kharge
INDI meetings bring bad luck to its constituents.
Sharad Pawar lost his entire party in 2023 after meeting.
Today history repeated with Mamata Banerjee. pic.twitter.com/sPeBL09Iy8
— News Arena India (@NewsArenaIndia) June 8, 2026
ఇది కూడా చదవండి: E85 Fuel | ఆ ఇంధనంతో.. లీటర్పై రూ. 20 ఆదా!
