భారతదేశ తయారీ రంగంలో ఎల్జీబీటీక్యూఐఏ+ (LGBTQIA+) కమ్యూనిటీ నిపుణుల భాగస్వామ్యాన్ని పెంపొందించేందుకు ‘గోద్రెజ్ కన్స్యూమర్ ప్రొడక్ట్స్ లిమిటెడ్’ (GCPL) సరికొత్త అడుగు వేసింది. ఇందులో భాగంగా ‘ప్రైడ్ ఇన్ మాన్యుఫ్యాక్చరింగ్’ పేరిట ఒక సమగ్ర ప్రాక్టికల్ గైడ్ను సంస్థ ఆవిష్కరించింది. ఐ&డి కన్సల్టింగ్ సంస్థ ట్రాన్స్ఫార్మిస్, అశోక యూనివర్సిటీ విద్యార్థి అంతర రాయ్ చౌదరి సహకారంతో రూపొందించిన ఈ టూల్కిట్.. మాన్యుఫ్యాక్చరింగ్ ప్లాంట్లలో మరింత సురక్షితమైన, సమానమైన , కలుపుకుపోయే పని వాతావరణాన్ని నిర్మించడానికి ఉపయోగపడుతుంది.
భారతీయ కార్పొరేట్ రంగంలో ఎల్జీబీటీక్యూఐఏ+ (LGBTQIA+) హక్కులు , వారి చేరికపై చర్చలు ఊపందుకుంటున్నప్పటికీ, దేశంలోనే అత్యధిక మందికి ఉపాధి కల్పిస్తున్న మాన్యుఫ్యాక్చరింగ్ ప్లాంట్లు ఇప్పటివరకు ఈ మార్పులకు కొంత దూరంగానే ఉండిపోయాయి. ఈ అంతరాన్ని భర్తీ చేసేందుకు ప్రముఖ సంస్థ ‘గోద్రెజ్ కన్స్యూమర్ ప్రొడక్ట్స్ లిమిటెడ్’ (GCPL) రంగంలోకి దిగింది. ఫ్యాక్టరీ వాతావరణంలో పనిచేసే ఎల్జీబీటీక్యూఐఏ+ టాలెంట్కు పూర్తి రక్షణ, సమాన అవకాశాలు కల్పించడమే ధ్యేయంగా ‘ప్రైడ్ ఇన్ మాన్యుఫ్యాక్చరింగ్’ (Pride in Manufacturing) పేరిట ఒక ఆచరణాత్మక టూల్కిట్ను ఆవిష్కరించింది.
ఈ వినూత్న టూల్కిట్ను గోద్రెజ్ కన్స్యూమర్ ప్రొడక్ట్స్ సీఈఓ , ఎండీ సుధీర్ సీతాపతి ముంబైలోని కంపెనీ ప్రధాన కార్యాలయం ‘గోద్రెజ్ వన్’ నుండి విడుదల చేయగా, అదే సమయంలో కంపెనీ గ్లోబల్ హెచ్ఆర్ హెడ్ వైభవ్ రామ్ తమిళనాడులోని మాన్యుఫ్యాక్చరింగ్ ప్లాంట్ వేదికగా దీనిని ఆవిష్కరించారు. దేశంలో సుమారు 45.4 మిలియన్ల మంది ఎల్జీబీటీక్యూఐఏ+ వ్యక్తులు ఉన్నట్లు అంచనాలు ఉన్నప్పటికీ, భద్రతా కారణాల వల్ల వారిలో 34 శాతం మంది పని ప్రదేశాలలో తమ గుర్తింపును వెల్లడించడానికి వెనుకాడాల్సి వస్తోంది. ఈ సవాలును అధిగమించడానికి లీడింగ్ ఐ&డి కన్సల్టింగ్ సంస్థ ‘ట్రాన్స్ఫార్మిస్’ , అశోక యూనివర్సిటీ విద్యార్థి అంతర రాయ్ చౌదరి భాగస్వామ్యంతో ఈ మార్గదర్శకాలను రూపొందించారు.
ఈ టూల్కిట్ చట్టపరమైన నిబంధనలు, పరిశ్రమల అనుభవాలు , నిజ జీవిత పరిస్థితులను (రియల్-వరల్డ్ సినారియోస్) ఒకచోటకు చేరుస్తుంది. మాన్యుఫ్యాక్చరింగ్ ప్లాంట్ల ప్రత్యేక సంస్కృతికి తగినట్లుగా.. అందరినీ కలుపుకుపోయేలా రిక్రూట్మెంట్ చేయడం, మౌలిక సదుపాయాలు కల్పించడం, అవగాహన పెంచడం , లీడర్షిప్ బాధ్యతాయుతంగా వ్యవహరించడం వంటి అంశాలపై ఇందులో ఆచరణాత్మక సిఫార్సులు అందించారు.
లీడర్షిప్ సందేశాలు
సుధీర్ సీతాపతి (MD & CEO, GCPL): “మాకు అందరినీ కలుపుకుపోవడం అనేది కేవలం ఒక కార్యక్రమమో లేదా సందర్భమో కాదు – అది మా బలమైన నమ్మకం. ప్రతీ ఒక్కరికీ గౌరవం, మర్యాద, తమ హక్కులను ఉపయోగించుకునే స్వేచ్ఛ ఉండాలనే ఆలోచన నుండి ఈ నమ్మకం ఏర్పడింది. లీడర్లు, మేనేజర్లు తమ ప్లాంట్లలో ఎల్జీబీటీక్యూఐఏ+ టాలెంట్ కోసం సురక్షితమైన వాతావరణాన్ని నిర్మించడంలో ఈ టూల్కిట్ సహాయపడుతుంది. మనం తీసుకునే చిన్న, స్థిరమైన నిర్ణయాలపైనే ఇదంతా ఆధారపడి ఉంటుంది.”
వైభవ్ రామ్ (Global HR Head, GCPL): “భారతదేశ ఆర్థిక వృద్ధికి మాన్యుఫ్యాక్చరింగ్ రంగం ఒక ముఖ్యమైన ఇంజిన్ లాంటిది. జీసీపీఎల్లో మా మాన్యుఫ్యాక్చరింగ్ కార్యకలాపాలను అందరినీ కలుపుకుపోయేలా మార్చడానికి మేము స్పష్టమైన ప్రణాళికతో ముందుకు సాగుతున్నాము. ప్రస్తుతం మా చెంగల్పట్టు ప్లాంట్లో ఎల్జీబీటీక్యూఐఏ+ ప్రాతినిధ్యం 3 శాతంగా ఉంది. మా ప్రయాణంలో మేము నేర్చుకున్న విషయాలు, పొందిన అనుభవాల కలయికే ఈ టూల్కిట్. మాన్యుఫ్యాక్చరింగ్ రంగంలోని ఇతర సంస్థలు కూడా తమ వద్ద ఇన్క్లూజివ్ వాతావరణాన్ని సులభంగా అమలు చేయడానికి ఇది సహాయపడుతుందని ఆశిస్తున్నాం.”
తమ వ్యాపార కార్యకలాపాలలో డైవర్సిటీ, ఈక్విటీ, ఇన్క్లూజన్ (వైవిధ్యం, సమానత్వం, అందరినీ కలుపుకుపోవడం) పద్ధతులను మరింత ముందుకు తీసుకెళ్లడానికి , ప్రతీ ఒక్కరూ ఎదిగేలా పని సంస్కృతిని బలోపేతం చేయడానికి జీసీపీఎల్ చేస్తున్న నిరంతర ప్రయత్నాలలో ఈ సరికొత్త టూల్కిట్ ఆవిష్కరణ ఒక ముఖ్యమైన భాగం.
