అక్షరటుడే వెబ్డెస్క్: Oman Indian Vessel | ఒమన్ తీరం వెంబడి ప్రయాణిస్తున్న ‘ఎంఎస్వీ విరాట్-1’ అనే భారతీయ నౌక సాంకేతిక కారణాల వల్ల నిలిచిపోయింది. నౌక ఇంజిన్ విఫలం కావడంతో సిబ్బంది ఇబ్బందులు ఎదుర్కొన్నారు. వెంటనే అప్రమత్తమైన సిబ్బంది, నౌకను వదిలి లైఫ్ రాఫ్ట్లోకి మారారు. సమాచారం అందుకున్న భారత రాయబార కార్యాలయం, ఒమన్ ( Oman ) అధికారులతో సమన్వయం చేసుకుని సమీపంలోని ఇతర నౌకల సహాయంతో సిబ్బందిని సురక్షితంగా తరలించే ప్రక్రియను చేపట్టింది. ప్రస్తుతం 14 మంది సిబ్బంది క్షేమంగా ఉన్నట్లు సమాచారం.
Oman Indian Vessel | స్వదేశానికి తరలింపునకు ఏర్పాట్లు..
మరో ఘటనలో, ఒమన్ తీరం సమీపంలో ఒక చమురు ట్యాంకర్లో పనిచేస్తున్న నిశాంత్ ఉర్తనాథన్ అనే భారతీయ నావికుడు అనారోగ్యంతో మరణించారు. ఈ విషయంపై స్పందించిన భారత రాయబార కార్యాలయం, ఆయన కుటుంబ సభ్యులకు ప్రగాఢ సానుభూతి తెలిపింది. మృతదేహాన్ని వీలైనంత త్వరగా నౌక నుంచి బయటకు తీసుకువచ్చి, స్వదేశానికి పంపించేందుకు అవసరమైన అన్ని చర్యలు తీసుకుంటున్నామని, సంబంధిత అధికారులతో నిరంతరం సంప్రదింపులు జరుపుతున్నామని స్పష్టం చేసింది.
Oman Indian Vessel |పెరుగుతున్న దాడులు..
పశ్చిమాసియాలో యుద్ధ వాతావరణం నెలకొన్న నేపథ్యంలో, సముద్ర మార్గంలో భారతీయ నావికులపై దాడులు ఆందోళన కలిగిస్తున్నాయి. ఇటీవల వారం వ్యవధిలోనే భారతీయులున్న మూడు నౌకలపై జరిగిన దాడుల్లో ముగ్గురు నావికులు ప్రాణాలు కోల్పోయారు. ఈ వరుస దాడులను భారత్ తీవ్రంగా ఖండించింది. ఇటువంటి ప్రమాదకర చర్యలను వెంటనే నిలిపివేయాలని అమెరికాను కోరుతూ భారత్ తన నిరసనను వ్యక్తం చేసింది. ప్రస్తుతం సముద్ర మార్గంలో ప్రయాణించే సిబ్బంది భద్రతపై భారత రాయబార కార్యాలయం ప్రత్యేక దృష్టి సారించింది.
ఇది కూడా చదవండి: School Bus Fitness | ఫిట్నెస్ లేకపోతే కఠిన చర్యలు.. స్కూల్ బస్సులపై అధికారుల ఫోకస్
