అక్షరటుడే వెబ్డెస్క్: Shashi Tharoor Praises Modi | పశ్చిమాసియా యుద్ధ పరిస్థితుల నేపథ్యంలో భారత నావికుల రక్షణపై ప్రధాని నరేంద్ర మోదీ అనుసరించిన వైఖరిని కాంగ్రెస్ సీనియర్ నేత, ఎంపీ శశిథరూర్ ( Shashi Tharoor ) కొనియాడారు. జీ7 సదస్సు వేదికగా భారత నావికుల భద్రత విషయాన్ని మోదీ అమెరికా మాజీ అధ్యక్షుడు డొనాల్డ్ ట్రంప్ దృష్టికి తీసుకెళ్లడాన్ని ఆయన ప్రశంసించారు. యుద్ధ సమయంలో వాణిజ్య నౌకల్లోని సిబ్బందిని లక్ష్యంగా చేసుకోవడం తగదని, ఈ విషయంలో భారత్ తన వైఖరిని స్పష్టంగా తెలియజేయడం అభినందనీయమని ఆయన పేర్కొన్నారు.
Shashi Tharoor Praises Modi | కాంగ్రెస్ విమర్శలకు భిన్నంగా..
ఒమన్ తీరంలో అమెరికా జరిపిన దాడిలో ముగ్గురు భారత నావికులు మరణించారని, ఈ విషయాన్ని జీ7 సదస్సులో ప్రధాని మోదీ బహిరంగంగా ప్రస్తావించలేదని కాంగ్రెస్ పార్టీ గతంలో విమర్శలు గుప్పించింది. తన సొంత పార్టీ నేతలే ప్రధాని విదేశాంగ విధానాన్ని తప్పుబడుతుంటే, శశిథరూర్ మాత్రం బహిరంగంగా మోదీని ప్రశంసించడం రాజకీయంగా ప్రాధాన్యత సంతరించుకుంది.
Shashi Tharoor Praises Modi | రాహుల్ గాంధీపై వ్యంగ్యాస్త్రాలు..
థరూర్ వ్యాఖ్యలపై బీజేపీ అధికార ప్రతినిధి ప్రదీప్ భండారీ స్పందిస్తూ.. కాంగ్రెస్ అగ్రనేత రాహుల్ గాంధీని ఉద్దేశించి వ్యంగ్యంగా వ్యాఖ్యానించారు. “రాహుల్ గాంధీకి తన పార్టీలోనే మద్దతు లేదు. శుక్రవారం ఆయన పుట్టినరోజు సందర్భంగా పార్టీ నుంచి గిఫ్ట్ అందకపోగా, ఇలాంటి సర్ప్రైజ్ (శశిథరూర్ ప్రశంసలు) రావడం బాధాకరం” అని ఎద్దేవా చేశారు. జాతీయ ప్రయోజనాలను కాపాడటంలో ప్రధాని మోదీ ఎప్పుడూ ముందుంటారని, కానీ దేశ ప్రయోజనాలకు వ్యతిరేకంగా మాట్లాడే విషయంలో మాత్రం రాహుల్ గాంధీ ముందుంటారని భండారీ ఆరోపించారు. ఈ విషయం కాంగ్రెస్ నేతలందరికీ తెలిసినప్పటికీ, శశిథరూర్ వంటి సీనియర్ నేతలు మోదీ దౌత్యనీతిని అంగీకరించడం విశేషమని పేర్కొన్నారు.
ఇది కూడా చదవండి: Narahari Illegal Assets | ఏసీబీ చరిత్రలోనే రికార్డు.. డిప్యూటీ డైరెక్టర్ ఇంట్లో కట్టలకొద్దీ బయటపడుతున్న అక్రమాస్తులు
