అక్షరటుడే, వెబ్డెస్క్: Japan PM India Visit | జపాన్ ప్రధాని సనాయే తకైచికి గురువారం రాష్ట్రపతి భవన్ ప్రాంగణంలో లాంఛనప్రాయ స్వాగతం లభించింది. ఆమె రాక సందర్భంగా ప్రధాని నరేంద్ర మోదీ (PM Narendra Modi) జపాన్ ప్రధానికి ఆత్మీయంగా స్వాగతం పలికారు.
తకైచి, ప్రధాని మోదీ తమ తమ దేశాల మంత్రులకు, ప్రతినిధి బృందాలకు ఒకరినొకరు పరిచయం చేసుకున్నారు. తకైచి మూడు రోజుల అధికారిక పర్యటన నిమిత్తం భారత్కు వచ్చారు. ఈ పర్యటనలో భాగంగా ఆమె 16వ భారత్-జపాన్ వార్షిక శిఖరాగ్ర సమావేశంలో పాల్గొంటారు.
Japan PM India Visit | కీలక చర్చలు
విదేశాంగ మంత్రిత్వ శాఖ ప్రతినిధి రణధీర్ జైస్వాల్ జపాన్ ప్రధానికి బుధవారం స్వాగతం పలికారు. న్యూఢిల్లీ, టోక్యోల మధ్య ప్రత్యేక వ్యూహాత్మక, ప్రపంచ భాగస్వామ్యాన్ని ముందుకు తీసుకెళ్లడంలో ఈ పర్యటన ఒక ముఖ్యమైన ముందడుగు అని పేర్కొన్నారు. ఈ క్రమంలో గురువారం ఆమె రాష్ట్రపతి భవన్ను సందర్శించారు. తకైచి పర్యటన సందర్భంగా ఇరు దేశాలు ఆర్థిక భద్రత, పటిష్టమైన సరఫరా గొలుసులు, అభివృద్ధి చెందుతున్న సాంకేతికతలు, రక్షణ, సముద్ర భద్రత మరియు పెట్టుబడుల రంగాలలో సహకారాన్ని మరింతగా పెంపొందించుకునే అంశాలపై చర్చించనున్నారు. ద్వైపాక్షిక చర్చల కోసం ప్రధాని మోదీ, జపాన్ పీఎం ఢిల్లీలోని హైదరాబాద్ హౌస్కు చేరుకున్నారు.
#WATCH | Delhi: Japanese Prime Minister Sanae Takaichi and Prime Minister Narendra Modi pose for photograph at the Rashtrapati Bhavan.
(Source: DD News) pic.twitter.com/LiNqMRH6uv
— ANI (@ANI) July 2, 2026
ఇది కూడా చదవండి..: India Japan Partnership | భారత్కు చేరుకున్న జపాన్ ప్రధాని.. స్వాగతం పలికిన ప్రధాని మోడీ!
