అక్షరటుడే, వెబ్డెస్క్: Jammu Kashmir Cloudburst | జమ్మూ కశ్మీర్లో కుండపోత వాన కురిసింది. కిష్త్వార్ జిల్లాలో క్లౌడ్ బరస్ట్ (Cloud Burst)తో ఒక్కసారిగా భారీ వర్షం పడంతో వరద పోటెత్తింది. దీంతో పలు చోట్ల కొండచరియలు విరిగిపడ్డాయి. జాతీయ రహదారి-244పై కొండ చరియలు పడటంతో పాటు, పలు చోట్ల రోడ్డు తెగిపోయింది. దీంతో అధికారులు హైవేను తాత్కాలికంగా మూసివేశారు. వాతావరణం మెరుగుపడి, హైవేలోని ప్రభావిత ప్రాంతం ప్రయాణానికి సురక్షితమని ప్రకటించిన తర్వాత పునరుద్ధరణ, రహదారిని శుభ్రపరిచే పనులు ప్రారంభిస్తామని తెలిపారు.
జమ్మూ కశ్మీర్ (Jammu Kashmir)లో క్లౌడ్ బరస్ట్తో ప్రజలు తీవ్ర ఇబ్బందులు పడుతున్నారు. కిష్త్వార్ జిల్లాలోని 540 మెగావాట్ల క్వార్ జలవిద్యుత్ ప్రాజెక్టు సమీపంలో శిథిలాల కింద అనేక వాహనాలు కూరుకుపోవడంతో, కిష్త్వార్-దోడా జాతీయ రహదారి (NH-244)ని మూసివేయాల్సి వచ్చింది. దట్టమైన బురద, రాళ్లు, శిథిలాల కింద కూరుకుపోయిన అనేక వాహనాలు చిక్కుకుపోయాయి. వాహనాలను వెలికి తీయడానికి, ప్రభావిత ప్రాంతాన్ని పునరుద్ధరించడానికి అధికారులు భారీ యంత్రాలను ఉపయోగించి శిథిలాలను తొలగించే ఆపరేషన్లను ప్రారంభించారు. కిష్త్వార్ జిల్లాలోని చెనాబ్ నదిపై ఉన్న క్వార్ జలవిద్యుత్ ప్రాజెక్ట్, ఈ ప్రాంతపు జలవిద్యుత్ విస్తరణ కార్యక్రమం కింద అభివృద్ధి చేయబడుతున్న 540 మెగావాట్ల విద్యుత్ ప్రాజెక్ట్.
Jammu Kashmir Cloudburst | ట్రాఫిక్ అంతరాయం
ఆకస్మిక వరద, కొండచరియలు విరిగిపడటంతో NH-244లోని ప్రేమ్ నగర్ మార్గం మూసుకుపోయింది. దీంతో కిష్త్వార్ –దోడా మధ్య ట్రాఫిక్కు అంతరాయం కలిగింది. భారీగా పేరుకుపోయిన శిథిలాల కారణంగా రహదారి ప్రమాదకరంగా మారడంతో, పునరుద్ధరణ పనులు ప్రారంభించే వరకు అధికారులు వాహనాల రాకపోకలను నిలిపివేశారు.
Jammu Kashmir Cloudburst | సహాయక చర్యలు
ఈ ఘటనలో ఆస్తి, ప్రాణనష్టానికి సంబంధించిన వివరాలు తెలియరాలేదు. ఎడతెరిపి లేకుండా వర్షాలు కురుస్తుండడంతో క్వార్ ప్రాజెక్ట్ సైట్కు వెళ్లే రహదారిపై కొండచరియలు విరిగిపడ్డాయని అధికారులు తెలిపారు. వాహనాలు, మిల్లులు, ఇతర యంత్రాలు బురద కింద కూరుకుపోయాయి. వాహనాలను బయటకు తీసేందుకు ఎన్డీఆర్ఎప్, ఎస్డీఆర్ఎఫ్, ఆర్మీ సిబ్బంది, పోలీసులు సహాయక చర్యలు చేపట్టారు.
ఇది కూడా చదవండి..: Prakash Raj UAPA | మీరు ఆట మొదలు పెట్టారు..ముగింపు ప్రజలే ఇస్తారు: ప్రకాశ్రాజ్
