అక్షరటుడే, వెబ్డెస్క్: Anil Ambani CBI Case | ఉద్యోగుల భవిష్యనిధి సంస్థ (EPFO) పెట్టుబడులకు సంబంధించి కేంద్ర దర్యాప్తు సంస్థ (CBI) ప్రముఖ పారిశ్రామికవేత్త అనిల్ అంబానీ, రిలయన్స్ క్యాపిటల్ సంస్థతో పాటు మరికొందరు అధికారులపై కేసు నమోదు చేసింది.
రిలయన్స్ క్యాపిటల్ బాండ్లలో EPFO చేసిన పెట్టుబడుల కారణంగా సంస్థకు భారీ ఆర్థిక నష్టం వాటిల్లిందన్న ఆరోపణల నేపథ్యంలో ఈ చర్యలు చేపట్టినట్లు తెలుస్తోంది.
Peru Plane Crash | పెరూలో ఘోర విమాన ప్రమాదం..13 మంది దుర్మరణం
Anil Ambani CBI Case | రూ.2,500 కోట్ల పెట్టుబడి
దర్యాప్తు సంస్థ వివరాల ప్రకారం, EPFO గతంలో రిలయన్స్ క్యాపిటల్ జారీ చేసిన బాండ్లలో సుమారు రూ.2,500 కోట్ల పెట్టుబడి పెట్టింది. అయితే, సంస్థ ఆ పెట్టుబడికి సంబంధించిన అసలు మొత్తంతో పాటు వడ్డీని తిరిగి చెల్లించకపోవడంతో EPFOకి సుమారు రూ.1,816 కోట్ల మేర నష్టం జరిగినట్లు ఆరోపణలు ఉన్నాయి.
ఈ వ్యవహారంపై కేంద్ర కార్మిక మంత్రిత్వ శాఖ చేసిన ఫిర్యాదు ఆధారంగా CBI కేసు నమోదు చేసి దర్యాప్తు ప్రారంభించింది. పెట్టుబడి ప్రక్రియలో నిబంధనల ఉల్లంఘన జరిగిందా, అధికారుల పాత్ర ఏమైనా ఉందా, నిధుల వినియోగంలో అక్రమాలు చోటుచేసుకున్నాయా అనే అంశాలపై విచారణ కొనసాగుతోంది.
Anil Ambani CBI Case | ఖండించిన రిలయన్స్ గ్రూప్
అయితే ఈ ఆరోపణలను రిలయన్స్ గ్రూప్ పూర్తిగా ఖండించింది. 2022 మార్చిలోనే అనిల్ అంబానీ రిలయన్స్ క్యాపిటల్ డైరెక్టర్ పదవి నుంచి వైదొలిగారని, ప్రస్తుతం సంస్థ వ్యవహారాలతో ఆయనకు సంబంధం లేదని కంపెనీ స్పష్టం చేసింది.
ఇదిలా ఉండగా, కేసుకు సంబంధించిన పూర్తి వాస్తవాలు CBI దర్యాప్తు అనంతరం మాత్రమే వెల్లడయ్యే అవకాశం ఉంది. ప్రస్తుతం దర్యాప్తు కొనసాగుతోంది.
