11KV Power Line Danger | 11/33 కేవీ విద్యుత్ లైన్ మార్చకపోతే ప్రాణ నష్టమే..

అక్షరటుడే, పెద్ద కొడప్​గల్ : 11KV Power Line Danger | పెద్దకొడప్​గల్​ మండల కేంద్రంలోని నూతన ప్లాట్లలో గల 11/33 కేవీ విద్యుత్ లైన్​ను మార్చి కాలనీవాసుల ప్రాణాలు కాపాడాలని బీజేపీ మండల నాయకుడు తానాజీ రావు కోరారు. ఈ మేరకు జిల్లా కేంద్రంలోని నిర్వహించిన ప్రజావాణిలో ఫిర్యాదు చేశారు.

ఈ సందర్భంగా ఆయన మాట్లాడుతూ.. మండల కేంద్రంలో ఉన్న ఈ హెవీ విద్యుత్​ లైన్​ సుమారు పది ఇళ్ల పైనుంచి వెళ్తోందన్నారు. ఇప్పటికే ఆర్నెళ్లలో మూడుచోట్ల లైన్​ తెగిపోయి ఇబ్బందులు పడ్డామన్నారు. అదృష్టవశాత్తు ఎలాంటి ప్రాణనష్టం జరగలేదన్నారు.

11KV Power Line Danger | ఆర్నెళ్ల క్రితం..

ఆర్నెళ్ల క్రితం విద్యుత్ లైన్ తెగిన రోజు మండల కేంద్రంలో ప్రజలు రోడ్డుపై ధర్నా చేయగా విద్యుత్ శాఖ అధికారులు (Electricity Department Officers) సంఘటనా స్థలానికి చేరుకొని త్వరలోనే విద్యుత్​లైన్​ మారుస్తామని మాట ఇచ్చారన్నారు. అప్పుడు ధర్నా విరమించామని.. కానీ ఇప్పటివరకు కూడా సమస్య పరిష్కారం కాలేదన్నారు. సంఘటన జరిగి ప్రాణాలు కోల్పోతే తప్పా విద్యుత్​ అధికారులు స్పందించే అవకాశం లేనట్టుగా వ్యవహరిస్తున్నారని ఆవేదన చెందారు. మరో ఇంటిపై విద్యుత్ లైన్ తెగే అవకాశం ఉండడంతో ఈనెల 18న కాలనీవాసులు స్థానిక విద్యుత్ అధికారులకు తెలియజేయడంతో మరమ్మతులు చేశారన్నారు. మరో నెల రోజులు అయితే వర్షాకాలం వస్తుందని.. బలమైన గాలులు వీచే అవకాశం ఉండడంతో.. సమస్య తీవ్రం కాకముందే వెంటనే లైన్​ను మార్చాలని వారు డిమాండ్​ చేశారు.

ఇది కూడా చదవండి..: Fee Reimbursement | రీయింబర్స్​మెంట్​ బకాయిలను వెంటనే విడుదల చేయాలి..