అక్షరటుడే వెబ్డెస్క్: Anushree Singh | భారతదేశ ప్రముఖ ఫామ్-టు-ప్రొటీన్ సంస్థ అయిన గోద్రెజ్ ఆగ్రోవెట్ లిమిటెడ్ (Godrej Agrovet Limited).. తమ సంస్థ నూతన చీఫ్ హ్యూమన్ రిసోర్సెస్ ఆఫీసర్గా (CHRO) అనుశ్రీ సింగ్ బాధ్యతలు చేపట్టినట్లు ప్రకటించింది. ఈ హోదాలో ఆమె సంస్థ ఉద్యోగుల వ్యూహరచనలో కీలక నాయకత్వం వహించనున్నారు. గోద్రెజ్ ఆగ్రోవెట్ దీర్ఘకాలిక వ్యాపార లక్ష్యాలకు అనుగుణంగా సంస్థాగత సామర్థ్యాన్ని బలోపేతం చేయడానికి, ప్రతిభను పెంపొందించడానికి ఆమె నాయకత్వ బృందంతో కలిసి పనిచేయనున్నారు.
Anushree Singh | భవిష్యత్తు ప్రణాళికలు..
హెచ్ఆర్ వ్యూహం, సంస్థాగత పరివర్తన, కల్చర్ నిర్మాణం, విలీనాలు , స్వాధీనాలు (M&A), లీడర్షిప్ డెవలప్మెంట్లో అనుశ్రీ సింగ్కు రెండు దశాబ్దాలకు పైగా అపారమైన అనుభవం ఉంది. వ్యాపార లక్ష్యాలకు అనుగుణంగా ఉద్యోగుల పనితీరును మలచడం, భారీ స్థాయి మార్పులకు నాయకత్వం వహించడంలో ఆమె బలమైన నైపుణ్యాలను కలిగి ఉన్నారు. కంపెనీ తదుపరి వృద్ధి దశకు తగినట్లుగా ఉద్యోగుల సామర్థ్యాలను మరింత బలోపేతం చేయడంపై ఆమె ప్రధానంగా దృష్టి సారించనున్నారు.
Anushree Singh | నాయకుల స్పందన..
గోద్రెజ్ ఆగ్రోవెట్ ఎండీ , సీఈవో సునీల్ కటారియా ఆమెను స్వాగతిస్తూ.. ఉద్యోగుల పరివర్తనను నడిపించడంలో, సంస్కృతిని నిర్మించడంలో అనుశ్రీకి ఉన్న లోతైన అనుభవం సంస్థకు ఎంతో ఉపయోగపడుతుందని తెలిపారు. బలమైన సంస్థలను నిర్మించడంలో ఉద్యోగులే పునాది రాళ్లని గోద్రెజ్ ఇండస్ట్రీస్ గ్రూప్ గట్టిగా విశ్వసిస్తుందని ఆయన పేర్కొన్నారు. ఈ కీలక తరుణంలో బాధ్యతలు స్వీకరించడం సంతోషంగా ఉందని, గోద్రెజ్ ఆగ్రోవెట్కు గొప్ప చరిత్ర, స్పష్టమైన లక్ష్యం ఉన్నాయని అనుశ్రీ సింగ్ తెలిపారు.
ఇది కూడా చదవండి: Alisagar Cable Bridge | అలీసాగర్పై తీగల వంతెనకు ప్రతిపాదనలు : అడిషనల్ కలెక్టర్
