అక్షరటుడే, వెబ్డెస్క్: TMC Party Symbol | తృణమూల్ కాంగ్రెస్లోని రెండు వర్గాలకు వేర్వేరు పేర్లు, గుర్తులను ఎన్నికల సంఘం శుక్రవారం కేటాయించింది. మమతా బెనర్జీ, అరూప్ రాయ్ నేతృత్వంలోని వర్గాలు కొత్త గుర్తింపులతో ఎన్నికల్లో పోటీ చేసే అవకాశం లభించింది.
బెంగాల్లో అక్టోబర్ 6న ఉప ఎన్నిక జరగనుంది. కాగా ఎన్నికల్లో ఓటమి తర్వాత టీఎంసీ రెండుగా చిలీపోయిన విషయం తెలిసిందే. దీంతో రెండు వర్గాలు అసలు టీఎంసీ తమదే అని పోరాటం చేస్తున్నాయి. ఈ క్రమంలో ఆల్ ఇండియా తృణమూల్ కాంగ్రెస్ పేరు, పూలు-గడ్డి చిహ్నాన్ని నిలిపివేస్తూ ఎన్నికల సంఘం (Election Commission) గురువారం జారీ చేసిన విషయం తెలిసిందే. తాజాగా రెండు వర్గాలకు వేర్వేరు పేర్లు, గుర్తులు కేటాయించింది.
TMC Party Symbol | రెండు స్థానాలకు ఉప ఎన్నిక
అక్టోబర్ 6న నందిగ్రామ్, రెజినగర్లతో ఉప ఎన్నికలు జరగనున్నాయి. ఈ ఉప ఎన్నికలతో పాటు రానున్న ఉప ఎన్నికల్లో అసలు పార్టీ పేరు, చిహ్నాన్ని ఉపయోగించడానికి ఏ వర్గానికి అనుమతి ఉండదని ఎన్నికల సంఘం స్పష్టం చేసింది. అరూప్ రాయ్ నేతృత్వంలోని వర్గానికి డెమోక్రటిక్ తృణమూల్ కాంగ్రెస్, పేరు ఎన్వలప్ (కవరు) గుర్తును కేటాయించింది. మమతా బెనర్జీ నేతృత్వంలోని వర్గానికి మమతా ఆల్ ఇండియా తృణమూల్ కాంగ్రెస్ అనే పేరును, ఫుట్బాల్ ప్లేయర్ చిహ్నాన్ని ఈసీ కేటాయించింది. బెంగాల్, మేఘాలయ, త్రిపుర రాష్ట్రాల్లో ఈ రెండు వర్గాలను గుర్తింపు పొందిన రాజకీయ పార్టీలుగా పరిగణిస్తామని ఉత్తర్వుల్లో పేర్కొంది.
ఇది కూడా చదవండి..: TMC Name Symbol Freeze | టీఎంసీ వర్గపోరులో బిగ్ ట్విస్ట్.. మమతా బెనర్జీ కొత్త పార్టీ పేరు, ‘ఫుట్బాల్’ గుర్తు కేటాయింపు
