అక్షరటుడే, వెబ్డెస్క్ : DUSU Elections | ఢిల్లీ యూనివర్సిటీ స్టూడెంట్ యూనియన్ ఓట్ల లెక్కింపు కొనసాగుతోంది. 17వ రౌండ్ ముగిసే సమయానికి, అధ్యక్ష పదవి రేసులో ఏబీవీపీ (ABVP)కి చెందిన యశ్ దబాస్ 20,151 ఓట్లతో ముందంజలో ఉన్నారు. ఎన్ఎస్యూఐకి చెందిన విజయ్ మీనా 19,651 ఓట్లతో ఆయనకు దగ్గరగా ఉన్నారు. యశ్ దబాస్ 500 ఓట్ల ఆధిక్యంలో ఉన్నారు.
ఉపాధ్యక్ష పదవికి సంబంధించి స్వతంత్ర అభ్యర్థి దీపాంశు షోకీన్ 26,341 ఓట్లతో ఆధిక్యంలో ఉన్నారు. ఏబీవీపీ అభ్యర్థి ఇషు మౌర్య 13,655 ఓట్లతో రెండో స్థానంలో ఉండగా, ఎన్ఎస్యూఐకి చెందిన వీర్ ఛత్రత్ 3,698 ఓట్లు సాధించారు. అధ్యక్ష పదవి ఫలితాలు తీవ్ర ఉత్కంఠను రేపుతున్నాయి. ఇద్దరు అభ్యర్థుల మధ్య ఆధిక్యం దోబూచులాడుతోంది. ఇద్దరి మధ్య స్వల్ప తేడా ఉండటంతో ఎవరు గెలుస్తారనే ఉత్కంఠ నెలకొంది. కాగా ఉపాధ్యక్ష పదవిని స్వతంత్ర అభ్యర్థి గెలుచుకునే అవకాశం ఉంది.
DUSU Elections | యశ్ దబాస్ నేపథ్యం
ఏబీవీపీ నుంచి అధ్యక్ష పదవికి పోటీ చేస్తున్న యశ్ దబాస్ ఆరేళ్లుగా ఏబీవీపీలో కీలకంగా పని చేస్తున్నారు. జాతీయ, అంతర్జాతీయ అనుభవం ఉన్న టెన్నిస్ క్రీడాకారుడు కూడా. ఆల్ ఇండియా, ఖేలో ఇండియా యూనివర్సిటీ గేమ్స్లో ఢిల్లీ విశ్వవిద్యాలయానికి ప్రాతినిధ్యం వహించారు. ఆస్ట్రేలియా, స్పెయిన్, సెర్బియా వంటి దేశాలలో జరిగిన అంతర్జాతీయ టెన్నిస్ ఫెడరేషన్ (ITF) టోర్నమెంట్లలో పాల్గొన్నాడు.
దీనిని కూడా చదవండి : Home Guard Arrested | మహిళపై దాడి చేసిన హోమ్గార్డు అరెస్ట్
