అక్షరటుడే, న్యూఢిల్లీ: Ask YouTube Feature | ప్రముఖ వీడియో స్ట్రీమింగ్ ప్లాట్‌ఫామ్ యూట్యూబ్, సెర్చ్ అనుభవాన్ని పూర్తిగా మార్చేసేలా ‘ఆస్క్ యూట్యూబ్’ (Ask YouTube) అనే ఏఐ ఫీచర్‌ను సిద్ధం చేస్తోంది. ఇప్పటివరకు సెర్చ్ బార్‌లో ఏదైనా వెతికితే కేవలం వీడియోల జాబితా మాత్రమే వచ్చేది, కానీ ఇకపై ఏఐ నేరుగా మీతో సంభాషించనుంది.
Ask YouTube Feature | ఏమిటీ ‘ఆస్క్ యూట్యూబ్’?
ఇది యూట్యూబ్ సెర్చ్‌బార్‌లో అందుబాటులోకి వచ్చే ఒక ఏఐ చాట్‌బాట్. యూజర్లు ఏదైనా అంశంపై ప్రశ్నలు అడిగినప్పుడు, ఈ ఫీచర్ కేవలం వీడియోలను చూపించడమే కాకుండా, వాటిలోని ముఖ్య సమాచారాన్ని విశ్లేషించి ఒక టెక్స్ట్ సారాంశాన్ని (Text Summary) కూడా అందిస్తుంది.
Ask YouTube Feature | ఎలా పనిచేస్తుంది?
సెర్చ్ బార్‌లో మీరు వెతికేటప్పుడు ‘ఆస్క్ యూట్యూబ్’ అనే బటన్ కనిపిస్తుంది. దానిపై క్లిక్ చేయగానే ఒక పూర్తి పేజీ ఓపెన్ అవుతుంది. అక్కడ మీకు కావాల్సిన సందేహాలను టైప్ చేయవచ్చు. ఉదాహరణకు, మీరు ఏదైనా లాంగ్ ట్రిప్ గురించి అడిగితే.. దానికి సంబంధించిన వీడియోలతో పాటు, మార్గమధ్యలో చూడదగ్గ ప్రదేశాలు, జాగ్రత్తల గురించి ఈ ఏఐ సలహాలను కూడా ఇస్తుంది. సుదీర్ఘమైన వీడియోలు చూడక్కర్లేకుండానే, ఆ వీడియోల్లోని ముఖ్య విషయాలను ఇది క్లుప్తంగా వివరిస్తుంది.
Ask YouTube Feature | త్వరలోనే ప్రపంచవ్యాప్తంగా..
ప్రస్తుతానికి ఈ ఫీచర్‌ను ప్రయోగాత్మకంగా అమెరికాలోని 18 ఏళ్లు పైబడిన కొంతమంది యూట్యూబ్ ప్రీమియం సబ్‌స్క్రైబర్లకు మాత్రమే అందుబాటులోకి తెచ్చారు. పరీక్షలు పూర్తయ్యాక, త్వరలోనే ప్రపంచవ్యాప్తంగా ఉన్న వినియోగదారులందరికీ ఇది అందుబాటులోకి రానుంది.
ఇది కూడా చదవండి..: Hyundai Ioniq 5 Facelift | హ్యుందాయ్ కొత్త అయానిక్ 5 ఫేస్‌లిఫ్ట్.. సింగిల్ చార్జింగ్ తో 690 కి.మీ. ప్రయాణం
