అక్షరటుడే, వెబ్డెస్క్: Hyundai Ioniq 5 Facelift | ఆటో మొబైల్ రంగ దిగ్గజం హ్యుందాయ్ ఇండియా 2026 అయానిక్ 5 ఫేస్లిఫ్ట్ను దేశీయ మార్కెట్ (Domestic Market)లో అధికారికంగా పరిచయం చేసింది. ఈ అప్ గ్రేడ్ చిన్నచిన్న మార్పులకు పరిమితం కాలేదు. కొత్త ఫేస్ లిఫ్ట్ లో గణనీయమైన ఫీచర్లను అందిస్తోంది.
ఇందులో 84 కిలోవాట్ అవర్ పెద్ద బ్యాటరీ ప్యాక్ ఇచ్చారు. ఇది ఏఆర్ ఏఐ ధ్రువీకరించిన 690 కిలోమీటర్ల వరకు రేంజ్ ను ఇస్తుంది. అంటే ఒక్కసారి ఫుల్ చార్జ్ చేస్తే 690 కిలో మీటర్ల వరకు ప్రయాణించవచ్చన్న మాట. అయితే ఈ మోడల్ పాత వర్షన్ కంటే ఖరీదైనది. దీని ఎక్స్ షోరూమ్ ధర రూ. 55.70 లక్షలుగా కంపెనీ నిర్ణయించింది.
Hyundai Ioniq 5 Facelift | ఇంటీరియర్, ఎక్స్టీరియర్ డిజైన్..
హ్యుందాయ్ రెట్రో (Hyundai Retro) ఆధునిక పారామెట్రిక్ పిక్సెల్ డిజైన్ను మరింత మెరుగుపరిచింది. సిల్వర్ క్లాడింగ్తో పునఃరూపకల్పన చేయబడిన ముందు, వెనక బంపర్లు, అప్ గ్రేడ్ చేసిన ఎరో ఆప్టిమైజ్డ్ అల్లాయ్ వీల్స్, పెద్దదైన లోయర్ ఎయిర్ డామ్ మరియు వెనక భాగంలో కొత్త వీ -గార్నిష్ లైట్ సిగ్నేచర్ ఉన్నాయి.
క్యాబిన్ మునుపటి డ్యుయల్ టోన్ గ్రే రంగుకు బదులుగా ప్రీమియం ఆల్ బ్లాక్ (అబ్సిడియన్ బ్లాక్) థీమ్తో వచ్చింది. హీటెడ్, వెంటిలేటెడ్ ఫ్రంట్ సీట్ల కోసం ఫిజికల్ కంట్రోల్స్తో ప్రాక్టికాలిటీ మరింత మెరుగుపడింది.
Hyundai Ioniq 5 Facelift | బ్యాటరీ సామర్థ్యం..
ఇందులో 84 కేడబ్ల్యూహెచ్ బ్యాటరీ ప్యాక్ ఉంది. దీని క్లెయిమ్ చేయబడిన పరిధి (ఏఆర్ ఏఐ) 690 కి.మీ.గా ఉంది. 350 కేడబ్ల్యూ డీసీ ఫాస్ట్ చార్జింగ్ సామర్థ్యం వల్ల అనుకూలమైన అల్ట్రా ఫాస్ట్ చార్జర్లపై 20 నిమిషాల కంటే తక్కువ సమయంలోనే 10 శాతం నుంచి 80 శాతం వరకు చార్జ్ అవుతుంది.
ఫీచర్లు : రెండు 12.3 అంగుళాల స్క్రీన్లు అలాగే ఉన్నాయి. కొత్త వర్షన్ కారు వైర్లెస్ ఆపిల్ కార్ప్లే, ఆండ్రాయిడ్ ఆటో, ఓటీఏ అప్డేట్ సామర్థ్యాలు, యాక్టివ్ సౌండ్ డిజైన్ను కలిగి ఉన్నాయి. పబ్లిక్ ఈవీ చార్జర్ల కోసం ఇన్ కార్ పేమెంట్ ఇంటిగ్రేషన్ అనే ఆసక్తికరమైన అదనపు ఫీచర్ ఇచ్చారు.
ఇందులో భద్రతకు అత్యంత ప్రాధాన్యత ఉంటుంది. 6 ఎయిర్బ్యాగ్లు, ఈఎస్ సీ, 360 డిగ్రీ కెమెరాలకు అదనంగా, లెవెల్ 2 ఏడీఏఎస్ సూట్ను రియర్ పార్కింగ్ కొలిజన్ అవాయిడెన్స్ అసిస్ట్, సైడ్ పార్కింగ్ డిస్టెన్స్ వార్నింగ్తో బలోపేతం చేశారు.
Hyundai Ioniq 5 Facelift | స్పెసిఫికేషన్లు..
స్పెసిఫికేషన్ వివరాలు
ఎక్స్ షోరూమ్ ధర : రూ. 55.70 లక్షలు
పవర్ అవుట్పుట్ : 217 పీఎస్ (229 హెచ్పీ)
టార్క్ : 350 ఎన్ ఎమ్
డ్రైవ్ ట్రెయిన్ : రియర్ వీల్ డ్రైవ్ (ఆర్ డబ్ల్యూడీ)
ఇది కూడా చదవండి..: Stock Market Gains | భారీ లాభాల్లో స్టాక్ మార్కెట్లు
