అక్షరటుడే, వెబ్డెస్క్: Vijay Deverakonda Ranabali | టాలీవుడ్ మోస్ట్ క్రేజీ పెయిర్ విజయ్ దేవరకొండ, రష్మిక మందన్న జంటగాటి నటిస్తున్న పీరియాడిక్ యాక్షన్ డ్రామా ‘రణబాలి’. ‘టాక్సీవాలా’ ఫేమ్ రాహుల్ సాంకృత్యాన్ దర్శకత్వంలో తెరకెక్కుతున్న ఈ చిత్రంపై అభిమానుల్లో, సినీ వర్గాల్లో భారీ అంచనాలు నెలకొన్నాయి. ఇప్పటికే షూటింగ్ పనులు పూర్తి చేసుకున్న ఈ చిత్రం విడుదల తేదీపై మైత్రి మూవీ మేకర్స్ సంస్థ తాజాగా అధికారిక ప్రకటన విడుదల చేసింది.
Vijay Deverakonda Ranabali | అక్టోబర్ 16న ప్రపంచవ్యాప్తంగా థియేటర్లలోకి
ఈ సినిమాను విజయాదశమి కానుకగా అక్టోబర్ 16న ప్రపంచవ్యాప్తంగా థియేటర్లలోకి తీసుకువస్తున్నట్లు నిర్మాణ సంస్థ స్పష్టం చేసింది. ఈ సందర్భంగా విడుదల చేసిన ప్రత్యేక పోస్టర్లో విజయ్ దేవరకొండ నుదుటి పైన తిలకంతో డిఫరెంట్ అండ్ పవర్ఫుల్ లుక్లో కనిపిస్తూ అభిమానులను విశేషంగా ఆకట్టుకుంటున్నారు.
1854 నుంచి 1878 మధ్యకాలంలో బ్రిటిష్ పాలనా సమయంలో జరిగిన వాస్తవ చారిత్రక ఘట్టాల ఆధారంగా ఈ చిత్రాన్ని నిర్మించారు. ఇటీవల విడుదలైన టీజర్, అజయ్-అతుల్ స్వరపరిచిన ‘ఏందయ్యా సామీ’ పాట ఆడియన్స్ నుంచి విశేష స్పందనను రాబట్టుకుని సినిమాపై అంచనాలను రెట్టింపు చేశాయి. దసరా రేసులో విజయ్ దేవరకొండ సరికొత్త రికార్డులు సృష్టిస్తాడని ఫ్యాన్స్ ధీమా వ్యక్తం చేస్తున్నారు.
