అక్షరటుడే వెబ్‌డెస్క్: Parvinder Singh Jota Murder Case | పంజాబ్‌లోని ( Punjab ) మాన్సా జిల్లాలో తీవ్ర కలకలం రేపిన యాంటీ డ్రగ్ యాక్టివిస్ట్ పర్విందర్ సింగ్ జోటా హత్య కేసులో పోలీసులు వేగంగా స్పందించారు. ఈ దారుణానికి ఒడిగట్టిన ప్రధాన నిందితుడు, మెడికల్ షాప్ యజమాని అశ్విని కుమార్‌ను పంజాబ్, రాజస్థాన్ పోలీసులు సంయుక్తంగా జరిపిన ఆపరేషన్‌లో రాజస్థాన్‌లోని సలాసర్ ప్రాంతంలో అరెస్ట్ చేశారు.
Parvinder Singh Jota Murder Case | లైవ్‌లోనే కాల్పులు..
మాన్సాలో ఓ మెడికల్ షాప్ యజమాని అశ్విని కుమార్ ఓ వృద్ధుడికి అక్రమంగా మత్తు పదార్థాలు విక్రయిస్తున్నాడని ఆరోపిస్తూ పర్విందర్ సింగ్ జోటా ఫేస్‌బుక్ లైవ్ ద్వారా ప్రశ్నించారు. ఈ క్రమంలో ఇద్దరి మధ్య తీవ్రస్థాయిలో వాగ్వాదం చోటుచేసుకుంది. సుమారు నాలుగు నిమిషాల పాటు నడిచిన ఈ లైవ్ ప్రసారం సమయంలోనే, ఆగ్రహానికి గురైన అశ్విని కుమార్ తన వద్ద ఉన్న పిస్టల్‌తో పర్విందర్‌పై కాల్పులు జరిపాడు. తీవ్ర గాయాలపాలైన పర్విందర్ ఆసుపత్రికి తరలించే క్రమంలో ప్రాణాలు కోల్పోగా, ఈ షాకింగ్ దృశ్యాలు సోషల్ మీడియాలో వైరల్ అయ్యాయి.
Parvinder Singh Jota Murder Case | సలాసర్‌లో పట్టుబడ్డ నిందితుడు..
హత్య అనంతరం పరారైన అశ్విని కుమార్ కోసం పంజాబ్, రాజస్థాన్ పోలీసులు గాలింపు చర్యలు ముమ్మరం చేశారు. పక్కా సమాచారంతో రాజస్థాన్‌లోని సలాసర్ వద్ద నిందితుడిని అదుపులోకి తీసుకున్నట్లు అధికారులు వెల్లడించారు. అలాగే నిందితుడికి పరారీలో సహకరించిన మరో సహచరుడిని కూడా పోలీసులు అంతకు ముందే అరెస్ట్ చేశారు.
Parvinder Singh Jota Murder Case | పర్విందర్ సుదీర్ఘ పోరాటం..
గత కొన్నేళ్లుగా పంజాబ్‌లో మత్తు పదార్థాల అమ్మకాలకు వ్యతిరేకంగా పర్విందర్ సింగ్ జోటా నిరంతరం పోరాటం చేస్తూ వస్తున్నారు. మెడికల్ షాపుల్లో నిబంధనలకు విరుద్ధంగా డ్రగ్స్ అమ్మడాన్ని ఆయన అనేకసార్లు ఎండగట్టారు. ఎన్నికల వేళ ఆయన పద్ధతి ప్రకారం హత్యకు గురవడం పంజాబ్‌లో తీవ్ర కలకలం సృష్టించింది.
ఇది కూడా చదవండి: Power Supply | అంతరాయం లేకుండా విద్యుత్ సరఫరా : డిప్యూటీ సీఎం భట్టి
