అక్షరటుడే, వెబ్డెస్క్ : Red Sandalwood | నెల్లూరు జిల్లాలోని గూడూరు అటవీ ప్రాంతంలో ఎర్రచందనం స్మగ్లింగ్ నిరోధక టాస్క్ ఫోర్స్ 61 దుంగలను స్వాధీనం చేసుకున్న తర్వాత, ఎండిపోయిన దుంగలను అక్రమంగా రవాణా చేస్తున్నారని అనుమానిస్తున్న ఎనిమిది మందిని అరెస్టు చేసింది. దుంగలను తరలించడానికి ఉపయోగించిన ట్రాక్టర్‌ను, సంఘటనా స్థలం సమీపంలో ఉన్న రెండు కార్లను కూడా సైతం స్వాధీనం చేసుకుంది.
రిజర్వ్ ఇన్‌స్పెక్టర్ కృపానంద్, ఫారెస్ట్ రేంజ్ ఆఫీసర్ సుభాష్ నేతృత్వంలోని బృందం గూడూరు అటవీ ప్రాంతంలోని కొండగుంట-మేకనూరు మార్గంలో గస్తీ నిర్వహిస్తుండగా శబ్దాలు వినిపించాయి. ఆ ప్రాంతాన్ని తనిఖీ చేయగా, ఎండిపోయిన దుంగలను తీసుకువెళ్తున్న ఒక ట్రాక్టర్ సమీపంలో కొందరు వ్యక్తులు ఉన్నారు. పక్కనే పార్క్ చేసి ఉన్న రెండు కార్లను అధికారులు గుర్తించారు.
Red Sandalwood | 61 దుంగల స్వాధీనం
పోలీసులు నిందితులను చుట్టుముట్టి, ట్రాక్టర్‌లో ఉన్న 24 దుంగలు, నేలపై పడి ఉన్న మరో 22 దుంగలను స్వాధీనం చేసుకున్నారు. వారిని విచారించగా.. దుంగలను నిల్వ ఉంచిన మరో ప్రదేశం గురించి చెప్పారు. అక్కడ తనికి చేసి మరో 15 దుంగలను సీజ్ చేశారు. దీంతో మొత్తం స్వాధీనం చేసుకున్న వాటి సంఖ్య 61కి చేరింది.
దీనిని కూడా చదవండి : El Nino 2026 | ప్రపంచాన్ని వణికిస్తున్న ఎల్‌నినో.. తొలిసారిగా 30°Cకు చేరిన ఉష్ణోగ్రతలు
