అక్షరటుడే వెబ్‌డెస్క్: Spain Train Accident | స్పెయిన్‌లో విషాదకరమైన రైలు ప్రమాదం చోటుచేసుకుంది. సెంట్రల్ టొలెడో ప్రావిన్స్‌ పరిధిలోని ఉర్డా (Urda) ప్రాంతం సమీపంలో రెండు హై-స్పీడ్ ప్రయాణికుల రైళ్లు ఎదురెదురుగా/ఒకే ట్రాక్‌పై వచ్చి అత్యంత వేగంగా ఢీకొనడంతో 46 మంది అక్కడికక్కడే ప్రాణాలు కోల్పోయారు. ఈ భయానక దుర్ఘటనలో మరో 179 మందికి పైగా ప్రయాణికులు తీవ్రంగా గాయపడినట్లు అధికారిక వర్గాలు వెల్లడించాయి.
Spain Train Accident | ఒకే ట్రాక్‌పైకి వచ్చి ..
పోలీసులు తెలిపిన ప్రాథమిక వివరాల ప్రకారం.. స్పెయిన్ రాజధాని మాడ్రిడ్ నుంచి బయలుదేరిన ‘ఏవీఈ’ (AVE) రకానికి చెందిన అత్యంత వేగవంతమైన ప్రయాణికుల రైలు, అదే మార్గంలో వెళ్తున్న ‘ఇరియో’ (Iryo) కంపెనీకి చెందిన మరో హై-స్పీడ్ లోకోమోటివ్‌ను అతి వేగంగా ఢీకొట్టింది. ఢీకొన్న తీవ్రతకు రెండు రైళ్ల బోగీలు తీవ్రంగా దెబ్బతిని పట్టాలు తప్పాయి. తీవ్రంగా ధ్వంసమైన బోగీల శిథిలాల్లో ఇంకా కొందరు చిక్కుకుని ఉండటంతో మృతుల సంఖ్య మరింత పెరిగే అవకాశం ఉందని సహాయక బృందాలు ఆందోళన వ్యక్తం చేస్తున్నాయి.
Spain Train Accident | సహాయక చర్యలు..
ప్రమాద సమాచారం అందిందే తడవుగా సివిల్ ప్రొటెక్షన్ విభాగం, ఎమర్జెన్సీ రెస్క్యూ టీమ్‌లు, ఎమర్జెన్సీ అంబులెన్స్‌లు పెద్ద సంఖ్యలో సంఘటనా స్థలానికి చేరుకున్నాయి. బోగీల నుంచి క్షతగాత్రులను బయటకు తీసి, అత్యవసర వైద్యం కోసం సమీపంలోని ప్రధాన ఆసుపత్రులకు తరలించారు. ఈ ప్రమాదం కారణంగా మాడ్రిడ్ – అండలూసియా (Madrid – Andalusia) మధ్య నడిచే కీలకమైన మెయిన్ హై-స్పీడ్ రైలు మార్గంలో సర్వీసులను అధికారులు తాత్కాలికంగా పూర్తిగా నిలిపివేశారు.
Spain Train Accident | స్పెయిన్ ప్రధాని దిగ్భ్రాంతి..
ఈ ఘోర ప్రమాదంపై స్పెయిన్ ప్రధానమంత్రి పెడ్రో సాంచెజ్ (Pedro Sánchez) తీవ్ర దిగ్భ్రాంతి వ్యక్తం చేశారు. ప్రాణాలు కోల్పోయిన ప్రయాణికుల కుటుంబాలకు ఆయన తన ప్రగాఢ సానుభూతిని తెలిపారు. క్షతగాత్రులందరికీ అత్యుత్తమ వైద్య సహాయం అందేలా చర్యలు తీసుకుంటున్నామని, ప్రమాద పరిస్థితిని రవాణా శాఖ , స్థానిక అధికారులతో కలిసి నిరంతరం పర్యవేక్షిస్తున్నట్లు సోషల్ మీడియా వేదికగా పేర్కొన్నారు.
ఘోర రైలు ప్రమాదం.. హైస్పీడ్ రైళ్లు ఢీకొని 39 మంది మృతి!
స్పెయిన్‌లో బుధవారం ఉదయం ఘోర రైలు ప్రమాదం చోటుచేసుకుంది. టోలెడో ప్రావిన్స్‌లోని మోరా, ఉర్దా పట్టణాల మధ్య రెండు హైస్పీడ్ రైళ్లు ఢీకొన్నాయి. ఈ ప్రమాదంలో కనీసం 39 మంది ప్రాణాలు కోల్పోయినట్లు పలు వార్తా నివేదికలు వెల్లడించాయి. మృతుల సంఖ్యపై అధికారిక సమాచారం వెలువడాల్సి ఉంది.
#spaintrainaccident #spain #traincrash #breakingnews #highspeedtrain #aksharatoday
— Akshara Today | Telugu News (@AksharaToday) October 28, 2026
ఇది కూడా చదవండి: Bhupathi Reddy Arvind Remarks | ఎంపీ అర్వింద్ ప్రధాని మోదీ ఇంటి ముందు భిక్షాటన చేస్తే బాగుండేది : ఎమ్మెల్యే భూపతిరెడ్డి
