అక్షరటుడే, వెబ్డెస్క్ : Singer Mangli | సింగర్ మంగ్లీని సినిమా ఇండస్ట్రీ నుంచి బహిష్కరించాలని మా (MAA) అసోసియేషన్కు ఫిర్యాదు అందింది. తెలంగాణ మూవీ ఆర్టిస్ట్ అసోసియేషన్ జనరల్ సెక్రెటరీ సంపత్ నాయక్ మంగ్లీపై ప్రొడ్యూసర్ కౌన్సిల్కు ఫిర్యాదు చేశారు.
మంగ్లీ ఇటీవల ఓ వివాదంలో చిక్కుకున్న విషయం తెలిసిందే. రియల్ ఎస్టేట్ (Real Estate) పెట్టుబడుల పేరుతో రమావత్ మధు అనే వ్యక్తి ప్రజలను మోసం చేశాడు. శుభక్షేత్ర వెంచర్ పేరుతో 31 మంది వద్ద రూ.6.58 కోట్లు వసూలు చేసి పరారు అయ్యాడు. అయితే మధు మంగ్లీ పేరును సైతం వాడుకున్నాడు. ఈ వ్యవహారంలో సింగర్ మంగ్లీతో పాటు అతడి తమ్ముడి పాత్ర ఉందని న్యాయవాది సుబ్బరావు ఆరోపించారు. అయితే తనపై తప్పుడు ప్రచారం చేస్తున్నారని మంగ్లీ సుబ్బారావుపై పోలీసులకు ఫిర్యాదు చేశారు.
Singer Mangli | న్యాయం జరిగే వరకు..
రియల్ ఎస్టేట్ మోసం కేసులో నిరుపేద బాధితులకు న్యాయం జరిగే వరకు మంగ్లీని బహిష్కరించాలన్న సంపత్ నాయక్ డిమాండ్ చేశారు. మైక్రో ఫైనాన్స్ పేరిట డబ్బులు వసూలు చేశారనే ఆరోపణలపై పంజాగుట్ట పీఎస్లో మంగ్లీపై కేసు నమోదు అయిన విషయం తెలిసిందే. అయితే ఈ కేసులో ప్రధాన నిందితుడు రమావత్ మధును పోలీసులు అరెస్ట్ చేశారు. దీని వెనుక ఎవరెవరు ఉన్నారని పోలీసులు విచారిస్తున్నారు. ఈ క్రమంలో ఆమెను సినిమా ఇండస్ట్రీ నుంచి బహిష్కరించాలని ఫిర్యాదు రావడం గమనార్హం. దీనిపై మా అసోసియేషన్ ఎలాంటి నిర్ణయం తీసుకుంటుందో చూడాలి.
దీనిని కూడా చదవండి : Ponnam Prabhakar | దేశంలో నియంతృత్వానికి తావులేదు : మంత్రి పొన్నం ప్రభాకర్
