అక్షరటుడే వెబ్‌డెస్క్: Hyderabad Medical Research | హైదరాబాద్ కేంద్రంగా ప్రపంచ స్థాయి విశ్వవిద్యాలయం, అత్యాధునిక వైద్య పరిశోధన వ్యవస్థను నిర్మించే దిశగా ‘గ్లోబల్ యూనివర్సిటీ ఫౌండేషన్’ (GUF) మరో కీలక ముందడుగు వేసింది. గ్లోబల్ ఇన్స్టిట్యూట్ ఫర్ రీసెర్చ్ అండ్ ఇన్నోవేషన్ (GIRI) పేరుతో వ్యవహరించే ఈ సంస్థ, జపాన్‌కు చెందిన ‘ది సిస్టమ్స్ బయోలజీ ఇన్స్టిట్యూట్’ (SBI)తో అంతర్జాతీయ పరిశోధన ఒప్పందాన్ని కుదుర్చుకుంది. ఎస్‌బీఐ ప్రెసిడెంట్ డాక్టర్ హిరోఅకి కిటానో హైదరాబాద్ పర్యటనలో భాగంగా నవంబర్ 1, 2026న ఈ ఒప్పందంపై సంతకాలు చేశారు.
గ్లోబల్ యూనివర్సిటీ ఫౌండేషన్ వ్యవస్థాపకులు డాక్టర్ రవీంద్రనాథ్ కంచెర్లతో పాటు ఇతర భాగస్వాములు హెల్త్‌కేర్, లైఫ్ సైన్సెస్, రీసెర్చ్ , అడ్వాన్స్‌డ్ టెక్నాలజీ విభాగాల్లో పరిశోధనల కోసం 250 మిలియన్ యుఎస్ డాలర్ల (సుమారు రూ. 2,100 కోట్లు) భారీ నిధులను కేటాయించారు.
Hyderabad Medical Research | మూడు ప్రధాన రంగాలు..
ఆగస్టు 2025లో ప్రారంభమైన ఈ భాగస్వామ్యం ఇప్పుడు రెండవ దశలోకి అడుగుపెట్టింది. ప్రధానంగా మూడు అంశాలపై పరిశోధనలు కొనసాగనున్నాయి.
కాంప్యూటేషనల్ ఆంకాలజీ (క్యాన్సర్ పరిశోధన): భారతీయుల జన్యు నిర్మాణానికి తగినట్లుగా క్యాన్సర్‌ను ప్రారంభ దశలోనే గుర్తించే బయోమార్కర్లను కనుగొనడం.
ఆరోగ్యకరమైన వృద్ధాప్యం (Healthy Ageing): డిమెన్షియా (మతిమరపు)తో బాధపడే వృద్ధులకు ఆర్టిఫిషియల్ ఇంటెలిజెన్స్ (AI) ఆధారిత డిజిటల్ సంరక్షణ విధానాలను అందించడం.
మల్టీ-ఓమిక్స్ అండ్ లాంగెవిటీ (సుదీర్ఘ ఆరోగ్యం): మనిషి జీవసంబంధ వయస్సును (Biological Age) కచ్చితంగా అంచనా వేస్తూ, భవిష్యత్తు అనారోగ్యాలను ముందే అడ్డుకునే డిజిటల్ పరిజ్ఞానాన్ని పెంపొందించడం.
Hyderabad Medical Research | హైదరాబాద్ వేదిక..
భారతదేశంలోని విభిన్న వైద్య అవసరాలు, రోగుల సమాచారాన్ని ఆధారం చేసుకుని ప్రపంచ స్థాయి పరిశోధనలు సాగించడమే ఈ ఒప్పందం ముఖ్య ఉద్దేశం. జపాన్‌కు చెందిన ఎస్‌బీఐ సంస్థకు ఉన్న అంతర్జాతీయ నెట్‌వర్క్ ద్వారా ఉత్తర అమెరికా, యూరప్, మిడిల్ ఈస్ట్, ఆసియా-పసిఫిక్ ప్రాంతాలలోని అగ్రగామి సంస్థలతో నిపుణుల మార్పిడి, సంయుక్త పరిశోధనలకు ఈ ఒప్పందం బాటలు వేస్తుంది.
డాక్టర్ రవీంద్రనాథ్ కంచెర్ల (Founder & Chairman, GUF) స్పందన..
“భారతదేశంలో ఉన్న అపారమైన వైద్య అవసరాలు, విభిన్న రోగుల డేటా సైన్స్ రంగానికి ఒక గొప్ప అవకాశం. అంతర్జాతీయ స్థాయి సాంకేతిక పరిజ్ఞానాన్ని భారతీయ వైద్య రంగానికి జోడించడం ద్వారా కొత్త ఆవిష్కరణలను సామాన్య ప్రజలకు తక్కువ ఖర్చుతో అందుబాటులోకి తీసుకురావడమే మా లక్ష్యం” అని తెలిపారు.
డాక్టర్ హిరోఅకి కిటానో (President, SBI Japan) స్పందన..
“క్యాన్సర్ ( Cancer ), జ్ఞాపకశక్తి క్షీణత వంటి సంక్లిష్టమైన వైద్య సవాళ్లను ఎదుర్కోవడానికి సిస్టమ్స్ బయోలజీ, AI సాంకేతికత ఎంతో అవసరం. గ్లోబల్ యూనివర్సిటీ ఫౌండేషన్‌తో ఈ భాగస్వామ్యం భారతదేశంలో పరిశోధన సామర్థ్యాలను పెంచడంతో పాటు అంతర్జాతీయ వైద్య రంగానికి సరికొత్త పరిష్కారాలను చూపుతుంది” అని పేర్కొన్నారు.
ఇది కూడా చదవండి: Traffic-Free City | హైదరాబాద్ను ట్రాఫిక్ ఫ్రీ సిటీగా మార్చాలి : సీఎం రేవంత్రెడ్డి
