Maxivision SMILE Pro | కళ్లద్దాలకు స్వస్తి.. తెలంగాణలోనే తొలిసారిగా మ్యాక్సీవిజన్‌లో ‘స్మైల్ ప్రో’.. లాంచ్ చేసిన నాగార్జున

అక్షరటుడే వెబ్‌డెస్క్: Maxivision SMILE Pro | హైదరాబాద్ ( Hyderabad )కేంద్రంగా పనిచేస్తున్న ప్రముఖ నేత్ర వైద్య సంస్థ మ్యాక్సీవిజన్ సూపర్‌స్పెషాలిటీ ఐ హాస్పిటల్స్ తన సోమాజిగూడ బ్రాంచ్‌లో అత్యంత ఆధునిక ‘స్మైల్ ప్రో (VISUMAX 800)’ సాంకేతికతను అందుబాటులోకి తెచ్చింది. ఈ నూతన టెక్నాలజీని ప్రముఖ సినీ నటుడు అక్కినేని నాగార్జున ముఖ్య అతిథిగా హాజరై లాంఛనంగా ప్రారంభించారు. తెలంగాణలోనే విజుమాక్స్ 800 (VISUMAX 800) సాంకేతికతను ప్రవేశపెట్టిన మొదటి కార్పొరేట్ ఐ కేర్ నెట్‌వర్క్‌గా మ్యాక్సీవిజన్ నిలిచింది. కేవలం 10 సెకన్ల కంటే తక్కువ సమయంలో లేజర్ ట్రీట్‌మెంట్ పూర్తి కావడం, వేగంగా కోలుకోవడం ఈ టెక్నాలజీ ప్రత్యేకత.

Maxivision SMILE Pro | ముఖ్య అతిథులు..

ఈ ప్రారంభోత్సవంలో మ్యాక్సీవిజన్ ఫౌండర్ అండ్ చీఫ్ మెంటార్ డాక్టర్ కాసు ప్రసాద్ రెడ్డి, ఛైర్మన్ డాక్టర్ జి.ఎస్.కె. వేలు, చీఫ్ క్లినికల్ ఆఫీసర్ డాక్టర్ వరుణ్ మల్హోత్రా, సోమాజిగూడ బ్రాంచ్ సీనియర్ సర్జన్ డాక్టర్ అనిత సి. కమర్తి, చీఫ్ బిజినెస్ ఆఫీసర్ గణేష్ సుబ్రమణ్యం పాల్గొన్నారు.

Maxivision SMILE Pro | ‘స్మైల్ ప్రో’ ప్రత్యేకతలు ఇవే..

ఈ నెక్స్ట్ జనరేషన్ లేజర్ విధానంలో కంటి కొర్నియాపై ఎలాంటి పెద్ద కోతలు లేదా ఫ్లాప్ (Flap) తయారు చేయకుండా అత్యంత సురక్షితంగా లేజర్ విజన్ కరెక్షన్ చేస్తారు. ఈ లేజర్ ఎక్స్‌పోజర్‌కు కేవలం 10 సెకన్ల కంటే తక్కువ సమయం మాత్రమే పడుతుంది. హ్రస్వదృష్టి (మయోపియా), అస్టిగ్మాటిజం (చూపు స్పష్టత లోపించడం) వంటి సాధారణ కంటి చూపు సమస్యలను ఈ లేజర్ ద్వారా అత్యంత కచ్చితత్వంతో సరిచేయవచ్చు.

Maxivision SMILE Pro | వైద్యుల స్పందన..

మ్యాక్సీవిజన్ ఫౌండర్ డాక్టర్ కాసు ప్రసాద్ రెడ్డి మాట్లాడుతూ.. “నేత్ర వైద్య రంగంలో వస్తున్న అధునాతన మార్పులను రోగులకు అందుబాటులోకి తేవడమే మా ప్రధాన ధ్యేయం. స్మైల్ ప్రో రాకతో తెలంగాణ ప్రజలకు అత్యున్నత ప్రమాణాలతో కూడిన కంటి వైద్యం అందుతుందని” పేర్కొన్నారు. అలాగే చీఫ్ క్లినికల్ ఆఫీసర్ డాక్టర్ వరుణ్ మల్హోత్రా మాట్లాడుతూ, ఈ నూతన టెక్నాలజీని అందుబాటులోకి తెచ్చిన మొదటి కార్పొరేట్ ఐ కేర్ గ్రూప్‌గా నిలవడం గర్వంగా ఉందన్నారు.

భారతదేశంలోని ఆరు రాష్ట్రాల్లో విస్తరించిన మ్యాక్సీవిజన్, లేజర్ కరెక్షన్‌తో పాటు క్యాటరాక్ట్, రెటీనా, గ్లాకోమా, కొర్నియా చికిత్సలలో అనుభవజ్ఞులైన నిపుణులతో అత్యుత్తమ సేవలను అందిస్తోంది.

ఇది కూడా చదవండి: Traffic-Free City | హైదరాబాద్​ను ట్రాఫిక్​ ఫ్రీ సిటీగా మార్చాలి : సీఎం రేవంత్​రెడ్డి