అక్షరటుడే వెబ్డెస్క్:Mojtaba Khamenei Hideout|ఇరాన్ సర్వోన్నత నాయకుడు మొజ్తాబా ఖమేనీ(Mojtaba Khamenei) ప్రస్తుతం ఒక అపరిచిత రహస్య ప్రాంతంలో తలదాచుకుంటున్నట్లు అగ్రరాజ్య ఇంటెలిజెన్స్ వర్గాలు చెబుతున్నాయి’ఆపరేషన్ ఎపిక్ ఫ్యూరీ’ పేరుతో అమెరికా, ఇజ్రాయెల్ జరిపిన దాడుల్లో 1989 నుండి ఇరాన్ను పాలించిన తన తండ్రి అయతొల్లా అలీ ఖమేనీ మరణించగా, మొజ్తాబా ఖమేనీ గాయాలతో బయటపడ్డారు. అప్పటి నుండి ఆయన బహిరంగంగా ఎక్కడా కనిపించలేదు. తండ్రికి పట్టిన గతే తనకు పడుతుందనే భయంతో ఆయన అత్యంత కఠినమైన భద్రతా వలయంలో ఐసోలేషనలోకి వెళ్ళిపోయారు.
Mojtaba Khamenei Hideout|సొంత ప్రభుత్వానికే దొరకని నాయకుడు..
మొజ్తాబా ఖమేనీ తీసుకుంటున్న భద్రతా చర్యలు ఎంత విచిత్రంగా ఉన్నాయంటే, ఇరాన్ ప్రభుత్వంలోని ఉన్నతాధికారులకు కూడా ఆయన ఎక్కడున్నారో తెలియదు. ఆయనను నేరుగా సంప్రదించే ఎలాంటి సాంకేతిక లేదా కమ్యూనికేషన్ మార్గాలు అధికారుల వద్ద లేవు. కేవలం కొద్దిమంది నమ్మకస్థులైన ‘దూతల నెట్వర్క్’ ద్వారా మాత్రమే ఆయన తన ప్రభుత్వంతో మాట్లాడుతున్నారు. అమెరికా, ఇజ్రాయెల్ ఇరాన్ అంతర్గత వ్యవస్థల్లోకి చొరబడి నిఘా సమాచారాన్ని సేకరిస్తుండటంతో, ఇరాన్ నాయకులు వారాల తరబడి బంకర్లకే పరిమితమవుతున్నారు. ఒకరితో ఒకరు మాట్లాడుకోవడానికి కూడా వారు పడుతున్న ఇబ్బందులు ఒక ‘సిట్కామ్’ (కామెడీ షో) లాగా ఉన్నాయని ఒక అమెరికా అధికారి వ్యాఖ్యానించారు.
Mojtaba Khamenei Hideout|అణు ఒప్పందానికి బ్రేకులు..
అమెరికాలో ట్రంప్ ప్రభుత్వం ఇరాన్తో ఒక అణు ఒప్పందాన్ని కుదుర్చుకోవడానికి తీవ్రంగా ప్రయత్నిస్తోంది. అయితే ఇరాన్ నాయకత్వంలో ఉన్న ఈ తీవ్ర కమ్యూనికేషన్ లోపాల వల్ల చర్చలు చాలా మందకొడిగా సాగుతున్నాయి. వాషింగ్టన్ నుండి వచ్చే ప్రతిపాదనలు దూతల ద్వారా సర్వోన్నత నాయకుడికి చేరి, మళ్లీ అక్కడ నుండి సమాధానం రావడానికి రోజుల తరబడి సమయం పడుతోంది. అయితే, ప్రస్తుత ముసాయిదా ఒప్పందానికి ఖమేనీ సూత్రప్రాయంగా అంగీకరించారని, త్వరలోనే తుది నిర్ణయం వెలువడుతుందని అధ్యక్షుడు ట్రంప్ ఆశాభావం వ్యక్తం చేశారు.
ఇది కూబా చదవండి: Travis Head Wife Trolls | ట్రావిస్ హెడ్ భార్యపై సోషల్ మీడియాలో వేధింపులు
