అక్షరటుడే వెబ్డెస్క్: HMDA Chief Engineer | ఆదాయానికి మించిన ఆస్తుల కేసులో అరెస్టయిన హైదరాబాద్ ( Hyderabad )మహానగర అభివృద్ధి సంస్థ (HMDA) చీఫ్ ఇంజినీర్ రవీందర్కు ఏసీబీ ప్రత్యేక కోర్టు 14 రోజుల రిమాండ్ విధించింది. ఏసీబీ అధికారులు అరెస్ట్ చేసిన రవీందర్ను కోర్టులో హాజరుపరచగా, ఇరుపక్షాల వాదనలు విన్న న్యాయమూర్తి ఈ మేరకు ఆదేశాలు జారీ చేశారు. దీంతో ఆయనను చంచల్గూడ జైలుకు తరలించారు.
HMDA Chief Engineer | భారీ అవినీతి..
ఇటీవల ఏసీబీ అధికారులు రవీందర్కు సంబంధించిన నివాసాలు, కార్యాలయాలు, అలాగే ఆయన బంధువుల ఇళ్లలో ఏకకాలంలో సోదాలు నిర్వహించారు. ఈ తనిఖీల్లో లెక్కలేనన్ని అక్రమ ఆస్తులు, నగదు, బంగారు ఆభరణాలు , కీలకమైన పత్రాలను అధికారులు స్వాధీనం చేసుకున్నారు. తన పదవిని దుర్వినియోగం చేస్తూ రవీందర్ పెద్ద ఎత్తున అక్రమాస్తులను కూడబెట్టినట్లు ప్రాథమిక విచారణలో స్పష్టమైంది. ఈ అవినీతికి సంబంధించి పక్కా ఆధారాలు లభించడంతో అధికారులు ఆయనను అరెస్ట్ చేశారు.
HMDA Chief Engineer | తదుపరి దర్యాప్తుపై ఏసీబీ దృష్టి..
ప్రస్తుతం జైలులో ఉన్న రవీందర్ నుంచి మరిన్ని వివరాలు రాబట్టేందుకు ఆయనను తమ కస్టడీలోకి తీసుకోవాలని ఏసీబీ అధికారులు భావిస్తున్నారు. ఇందుకోసం త్వరలోనే కోర్టులో పిటిషన్ దాఖలు చేసేందుకు సిద్ధమవుతున్నారు. ఈ కేసులో ఆయనతో పాటు ఇంకా ఎవరెవరికి సంబంధాలు ఉన్నాయి, దీని వెనుక ఉన్న సూత్రధారులెవరు అనే అంశాలపై ఏసీబీ దర్యాప్తును ముమ్మరం చేసింది.
ఇది కూడా చదవండి: Tirumala Mock Drill | భక్తుల భద్రతే ధ్యేయంగా.. తిరుమలలో ఆక్టోపస్ కమాండోల మాక్ డ్రిల్
