అక్షరటుడే, వెబ్డెస్క్ : Travis Head Wife Trolls | సన్ రైజర్స్ హైదరాబాద్ (Sunrisers Hyderabad) ఓపెనర్ ట్రావిస్ హెడ్ భార్యపై కొందరు సోషల్ మీడియాలో వేధింపులకు పాల్పడుతున్నారు. ఆమెపై అసభ్యకరంగా పోస్టులు చేస్తున్నారు.
హైదరాబాద్ (Hyderabad)లో ఇటీవల ఎస్ఆర్హెచ్, ఆర్సీబీ మధ్య మ్యాచ్ జరిగిన విషయం తెలిసిందే. అయితే ఈ మ్యాచ్లో హెడ్, కోహ్లీ మధ్య మాటల యుద్ధం జరిగింది. మ్యాచ్ అనంతరం హెడ్కు విరాట్ షేక్ హ్యాండ్ కూడా ఇవ్వలేదు. ఈ క్రమంలో కోహ్లీ అభిమానులు ట్రావిస్ కుటుంబాన్ని లక్ష్యంగా చేసుకొని ట్రోలింగ్ చేస్తున్నారు. తనపై దాడులు చేస్తామని బెదిరింపులతో పాటు, సన్నిహితులు, కుటుంబ సభ్యులపై ట్రోల్స్ చేస్తున్నారని ట్రావిస్ హెడ్ భార్య జెస్సికా హెడ్ ఆవేదన వ్యక్తం చేశారు.
Travis Head Wife Trolls | కోహ్లీ అభిమానుల ట్రోలింగ్
ఆర్సీబీతో మ్యాచ్లో హైదరాబాద్ ఘన విజయం సాధించింది. మ్యాచ్ మధ్యలో విరాట్ కోహ్లీ (Virat Kohli), హెడ్ (Head) మధ్య చిన్న గొడవ జరిగింది. అయితే దీనికి కారణం ఏమిటో ఇంకా తెలియదు. కానీ మ్యాచ్ తర్వాత విరాట్ షేక్ హ్యాండ్ ఇవ్వడకపోవడంతో వివాదం పెద్దదిగా మారింది. అయితే మ్యాచ్లో జరిగిన గొడవను ఆటగాళ్లు మరిచిపోయిన వారి అభిమానులు రెచ్చిపోతుండటం గమనార్హం. కోహ్లీ అభిమానులు ఏకంగా హెడ్ భార్యను ఉద్దేశించి అసభ్యకరమైన కామెంట్స్ చేస్తున్నారు. ఆమె సోషల్ మీడియా అకౌంట్కు వెళ్లి పచ్చి బూతులు తిడుతున్నారు. హెడ్ భార్యకు ఎస్ఆర్హెచ్ అభిమానులు మద్దతుగా నిలుస్తున్నారు. మైదానంలో జరిగిన గొడవకు ఆమెకు ఎలాంటి సంబంధం లేకపోయినా.. ఇలా ప్రవర్తించడం సరికాదని మండిపడుతున్నారు.
ఇది కూడా చదవండి..: Hardik Pandya Captaincy | ముంబై పతనానికి హార్దిక్ కెప్టెన్సీనే కారణమా?.. ఐపీఎల్ 2026లో ఘోర వైఫల్యంపై చర్చలు!
