అక్షరటుడే, వెబ్డెస్క్ : South Central Railway trains | నిజామాబాద్ జంక్షన్ (Nizamabad Junction) మీదుగా నడుస్తున్న 6 వీక్లీ ప్రత్యేక ఎక్స్ ప్రెస్ రైళ్లను క్రమబద్ధీకరిస్తూ దక్షిణ మధ్య రైల్వే జోన్ అధికారులు ఉత్తర్వులు జారీ చేశారు. ఈ మేరకు ఆయా రైళ్లకు నూతన నంబర్లు కేటాయించారు.
తిరుపతి – అకోలా (Tirupati-Akola) మార్గంలో నడిచే 07605/06 ప్రత్యేక వీక్లీ ఎక్స్ ప్రెస్ రైలు నంబర్ 17429/30గా మారింది. ఈ ట్రైన్ కాచిగూడ – మహబూబ్ నగర్ – కర్నూలు సిటీ – గుంతకల్లు – ధర్మవరం – పాకాల మీదుగా నడుస్తుంది. కాకినాడ టౌన్ –హిస్సార్ వీక్లీ ప్రత్యేక ఎక్స్ ప్రెస్ 07717/18 రైలును క్రమబద్ధీకరిస్తూ 17295/96 నూతన నంబర్లు కేటాయించారు. ఈ రైలు రాజమండ్రి – ఏలూరు – విజయవాడ – గుంటూరు – నల్గొండ – చర్లపల్లి – నిజామాబాద్ – నాందేడ్ – అకోలా – భూసావల్ – సూరత్ – వడోదరా – రత్లాం – చిత్తోగర్ మీదుగా ప్రయాణిస్తుంది.
South Central Railway trains | కాచిగూడ వీక్లీ ఎక్స్ప్రెస్
కాచిగూడ (Kachiguda) నుంచి శ్రీ గంగానగర్ వీక్లీ ప్రత్యేక ఎక్స్ ప్రెస్ రైలు నంబర్ను 17601/02గా మార్చారు. ఇది నాందేడ్ – అకోలా – ఖండ్వా – ఇటార్సి – భోపాల్ – ఉజ్జయిని – జైపూర్ – బికనీర్ మీదుగా నడుస్తుంది. నాంపల్లి హైదరాబాద్– జైపూర్ వీక్లీ ప్రత్యేక ఎక్స్ ప్రెస్ రైలుకు 17079/80 నంబర్ కేటాయించారు. ఈ రైలు నాందేడ్ – అకోలా – ఖండ్వా -ఇటార్సి – భోపాల్ – ఉజ్జయిని మీదుగా రాకపోకలు సాగిస్తుంది. ఔ
South Central Railway trains | నాందేడ్–తిరుపతి..
నాందేడ్ నుండి తిరుచానూరు 07015/16 వీక్లీ ప్రత్యేక ఎక్స్ ప్రెస్ రైలు సర్వీసును క్రమబద్ధీకరిస్తూ 17633/34 నంబర్ కేటాయించారు. ఈ రైలు మే 9 వ తేదీ నుండి ప్రారంభం కానుంది. పెద్దపల్లి – వరంగల్ – విజయవాడ – గూడూరు మీదుగా వెళ్తుంది. నాందేడ్– ధర్మవరం వీక్లీ స్పెషల్ ట్రైన్కు 17635/36 నంబర్ కేటాయించారు. ఇది పెద్దపల్లి – వరంగల్ – విజయవాడ – గూడూరు – తిరుపతి – పాకాల – మదనపల్లి మీదుగా నడుస్తుంది.
దీనిని కూడా చదవండి : IPL Betting Suicide | ఐపీఎల్ బెట్టింగ్కు బలి.. ఆత్మహత్య చేసుకున్న వ్యాపారి
