అక్షరటుడే వెబ్డెస్క్: Gyanesh Kumar Padma Bhushan | ప్రధాన ఎన్నికల కమిషనర్ (CEC) జ్ఞానేష్ కుమార్పై కాంగ్రెస్తో సహా పలు విపక్షాలు తీవ్ర విమర్శలు గుప్పిస్తున్న తరుణంలో, పశ్చిమ బెంగాల్ బీజేపీ అధ్యక్షుడు సమీక్ భట్టాచార్య ఆయనకు మద్దతుగా నిలిచారు. పశ్చిమ బెంగాల్లో స్వేచ్ఛాయుత, ప్రశాంతమైన వాతావరణంలో ఎన్నికలు నిర్వహించడంలో, అలాగే ఓటర్ల జాబితా సవరణలో జ్ఞానేష్ కుమార్ అత్యంత కీలక పాత్ర పోషించారని ఆయన కొనియాడారు. ఈ సేవలకు గాను ఆయనను ప్రతిష్టాత్మకమైన ‘పద్మ భూషణ్’ అవార్డుతో సత్కరించాలని కోరారు.
Gyanesh Kumar Padma Bhushan | మారిన ఎన్నికల వాతావరణం..
గతంలో పశ్చిమ బెంగాల్లో ఎన్నికలంటేనే భయం, తీవ్ర ఒత్తిడి వాతావరణం ఉండేదని సమీక్ భట్టాచార్య గుర్తుచేశారు. కానీ ఇప్పుడు ప్రజలు ఎలాంటి భయాలు, హింసకు తావులేకుండా తమ ఓటు హక్కును ప్రశాంతంగా వినియోగించుకోగలుగుతున్నారని తెలిపారు. బెంగాల్ సరిహద్దు ప్రాంతం కావడంతో ఓటర్ల జాబితాలో అక్రమంగా చేరిన పేర్లను తొలగించడం అత్యంత అవసరమని, ఎన్నికల సంఘం ఆ దిశగా అనర్హుల పేర్లను పారదర్శకంగా తొలగించిందని ఆయన స్పష్టం చేశారు.
Gyanesh Kumar Padma Bhushan | విభేదాల వార్తలపై స్పందన..
మరోవైపు, ఓటర్ల నమోదు, ఎస్ఐఆర్ (SIR), పేర్ల తొలగింపు, ఫారం-6 మార్పులు వంటి అంశాలపై ఎన్నికల కమిషనర్లు సుఖ్బీర్ సింగ్ సందు, వివేక్ జోషి గత 10 నెలల్లో కనీసం 10 సార్లు ఈసీ నిర్ణయాలపై అభ్యంతరాలు తెలిపారంటూ ‘ది ఇండియన్ ఎక్స్ప్రెస్’లో వచ్చిన నివేదిక రాజకీయంగా తీవ్ర దుమారం రేపింది. ఈ వివాదంపై కాంగ్రెస్ అగ్రనేత రాహుల్ గాంధీ స్పందిస్తూ.. సీఈసీ జ్ఞానేష్ కుమార్ తక్షణమే రాజీనామా చేయాలని డిమాండ్ చేశారు.
అయితే, ఈ వార్తలపై ఎన్నికల సంఘం స్పష్టతనిచ్చింది. సంస్థాగత అంతర్గత చర్చల్లో వేర్వేరు అభిప్రాయాలు, సూచనలు, లిఖితపూర్వక వ్యాఖ్యలు రావడం సాధారణ ప్రక్రియలో భాగమేనని పేర్కొంది. ఎస్ఐఆర్ (SIR) సహా అన్ని నిర్ణయాలను ముగ్గురు ఎన్నికల కమిషనర్లు పూర్తిగా ఏకగ్రీవ ఆమోదంతోనే తీసుకున్నారని ఈసీ స్పష్టం చేసింది.
ఇది కూడా చదవండి: ASMITA Khelo India | అస్మిత ఖేలో ఇండియా ఉమెన్స్ జిల్లాస్థాయి వెయిట్ లిఫ్టింగ్ ఎంపిక పూర్తి
