అక్షరటుడే, వెబ్డెస్క్: Isha Ambani Met Gala | ప్రపంచ ఫ్యాషన్ ప్రపంచంలో అత్యంత ప్రతిష్టాత్మక ఈవెంట్గా పేరుగాంచిన మెట్ గాలా (Met Gala 2026)లో భారతీయ సంస్కృతి మరోసారి ప్రత్యేకంగా మెరిసింది. రిలయన్స్ అధినేత ముఖేశ్ అంబానీ కుమార్తె ఇషా అంబానీ తన అద్భుతమైన లుక్తో అంతర్జాతీయ ఫ్యాషన్ వేదికను ఆకట్టుకున్నారు.
ఈ సందర్భంగా ఆమె ధరించిన ప్రత్యేకమైన చీరకట్టు భారతీయ సంప్రదాయానికి ప్రతీకగా నిలిచింది. ప్రముఖ డిజైనర్ గౌరవ్ గుప్తా రూపొందించిన ఈ దుస్తులు సంప్రదాయం, ఆధునికత కలయికగా నిలిచాయి.ఇషా అంబానీ (Isha Ambani) ధరించిన చీరలో ప్రధాన ఆకర్షణగా నిలిచింది ‘పిచ్వాయ్’ కళ. సంప్రదాయ రాజస్థానీ శైలి చిత్రకళ అయిన ఈ డిజైన్ను చీరపై చేతితో చిత్రించడం ద్వారా ప్రత్యేకమైన అందాన్ని తీసుకువచ్చారు.
Isha Ambani Met Gala | చీరలోని గొప్పదనం..
ఈ చీర అంచును స్వచ్ఛమైన బంగారు తీగలతో నేసిన విధానం మరింత గ్రాండ్ లుక్ను అందించింది. ఈ పనితనం భారతీయ హస్తకళల ప్రతిభను ప్రపంచానికి చాటిచెప్పింది. ఇషా ధరించిన బ్లౌజ్పై 1800 క్యారెట్ల వజ్రాలు, ఎమరాల్డ్స్, పోల్కీ నగలతో అలంకరించడం ప్రధాన హైలైట్గా నిలిచింది. ముఖ్యంగా నిజాం కాలానికి చెందిన అరుదైన ‘సర్పేచ్’ ఆభరణాన్ని చేర్చడం చారిత్రాత్మక స్పర్శను అందించింది. ఈ ఆభరణాలన్నీ నీతా అంబానీ వ్యక్తిగత కలెక్షన్లోనివేనని ఇషా వెల్లడించడం ఆసక్తికరంగా మారింది.ఈ బ్లౌజ్40 కోట్ల వరకు ఉంటుందని సమాచారం.
Isha Ambani Met Gala | ఇషా లుక్ను మరింత ప్రత్యేకంగా
ఇషా లుక్ను మరింత ప్రత్యేకంగా నిలబెట్టింది ఆమె ఎంచుకున్న యాక్సెసరీస్. ప్రముఖ కళాకారుడు సుబోధ్ గుప్తా రూపొందించిన క్రోచెట్ బ్యాగ్లో మామిడి పండును ప్రతీకగా చూపించడం ఆకట్టుకుంది. అలాగే సౌరభ్ గుప్తా రూపొందించిన పేపర్, ఇత్తడితో చేసిన ‘గజ్రా’ను జుట్టులో ధరించడం ద్వారా భారతీయ సంప్రదాయానికి కొత్త రూపాన్ని ఇచ్చారు. మెట్ గాలాకు ముందు జరిగిన ప్రీ-ఈవెంట్లో కూడా ఇషా అంబానీ ప్రత్యేక డ్రెస్తో అందరినీ ఆశ్చర్యపరిచారు. భారత్లోని 26 ప్రాంతీయ హస్తకళల బోర్డర్లతో రూపొందించిన దుస్తులను ధరించి, దేశ వైవిధ్యాన్ని ప్రతిబింబించారు. గత కొన్ని సంవత్సరాలుగా రాహుల్ మిశ్రా, అనామికా ఖన్నా వంటి భారతీయ డిజైనర్ల దుస్తులను అంతర్జాతీయ వేదికలపై ప్రోత్సహిస్తూ, భారతీయ ఫ్యాషన్కు గ్లోబల్ గుర్తింపు తీసుకొస్తున్నారు.
ఇషా అంబానీ ఈ ప్రదర్శన ద్వారా మరోసారి భారతీయ కళలు, సంప్రదాయాల గొప్పతనాన్ని ప్రపంచానికి పరిచయం చేశారు. సంప్రదాయాన్ని ఆధునిక ఫ్యాషన్తో కలిపి చూపించిన ఈ లుక్ అంతర్జాతీయ ఫ్యాషన్ విమర్శకుల ప్రశంసలు అందుకుంటోంది.
ఇది కూడా చదవండి..: KC-135 Emergency Signal | అమెరికా ఫ్లైయింగ్ గ్యాస్ స్టేషన్ అదృశ్యం.. గల్ఫ్ ప్రాంతంలో ఘటన!
