అక్షరటుడే, కామారెడ్డి: Theft Attempt Kamareddy | కామారెడ్డి పట్టణంలో(Kamareddy City) దొంగలు హల్చల్ సృష్టిస్తున్నారు. పలు చోట్ల చోరీలకు పాల్పడుతూ భయాందోళనలు సృష్టిస్తున్నారు. కాగా మద్యం మత్తులో ఇద్దరు దొంగలు శనివారం పట్టణంలో చోరీకి యత్నించారు. కామారెడ్డి పట్టణంలో శనివారం ఈ ఘటన చోటుచేసుకుంది.
Theft Attempt Kamareddy | ఓ ఇంట్లో చోరీ చేస్తుండగా..
స్థానికుల కథనం ప్రకారం.. ఇద్దరు వ్యక్తులు ఫుల్గా మద్యం(Drunk Thieves) సేవించారు. మద్యం మత్తులో జిల్లా కేంద్రంలోని ఫారెస్ట్ ఆఫీస్ సమీపంలో చోరీ చేసేందుకు ఓ ఇంట్లోకి చొరబడ్డారు. ఇంటి యజమాని వారిని గమనించి భయంతో కేకలు వేశారు. దీంతో స్థానికులు అక్కడికి చేరుకుని మద్యం మత్తులో ఉన్న వారిని పట్టుకుని దేహశుద్ధి చేశారు. అనంతరం పోలీసులకు(Kamareddy Police) అప్పగించారు.
