అక్షరటుడే, వెబ్డెస్క్: Marco Lu Name Change | అగ్రరాజ్యం అమెరికా అధ్యక్షుడు డొనాల్డ్ ట్రంప్ (Donald Trump) ప్రస్తుతం చైనాలో పర్యటిస్తున్నారు. ఆయన వెంట విదేశాంగ మంత్రి కూడా ఉన్నాయి.
అయితే ఆయన అసలు పేరు మార్కో రూబియో (Marco Rubio) కాగా.. చైనా పర్యటన కోసం ఆయన ఏకంగా తన పేరునే మార్చుకున్నారు. మార్కో లూ పేరుతో ఆయన చైనాలో పర్యటిస్తుండడం గమనార్హం. అమెరికా విదేశాంగ మంత్రి ఇలా పేరు మార్చుకోవడానికి కారణం ఉంది. అదేమిటో తెలుసుకుందామా..
Marco Lu Name Change | చైనాపై తీవ్ర ఆరోపణలు..
అమెరికా -చైనా మధ్య చాలా అంశాల్లో విభేదాలున్నాయి. చైనా ప్రజాస్వామ్య హక్కులు కాలరాస్తోందని అగ్రరాజ్యం ఆరోపిస్తోంది. ప్రధానంగా వీగర్ ముస్లింల విషయంలో కఠినవైఖరి అవలంబిస్తోందంటూ సెనెటర్గా ఉన్నప్పుడు మార్కో రూబియో తీవ్ర విమర్శలు చేశారు. పది లక్షలకుపైగా వీగర్లు, ఇతర ముస్లింలను శిబిరాల్లో నిర్బంధించి, బలవంతపు చాకిరీ చేయిస్తున్నారని, లైంగిక హింసకు పాల్పడుతున్నారని ఆరోపించారు. దీంతో ఆగ్రహానికి గురయిన చైనా.. ఆ వ్యాఖ్యలు, ఆరోపణలను ఖండించడమే కాకుండా.. మార్కో రూబియో చైనాలో పర్యటించకుండా 2020లోనే నిషేధం విధించింది. ఆ నిషేధం ఇప్పటికీ కొనసాగుతోంది.
Marco Lu Name Change | నిషేధం ఉన్నా అడ్డుకోని డ్రాగన్ కంట్రీ..
చైనాలో పర్యటిస్తున్న అమెరికా బృందంలో మార్కో రూబియో ఉన్నారు. అయితే తన పర్యటనను చైనా అడ్డుకోకుండా ఉండేందుకు పేరు మార్చుకోవాలని నిర్ణయించుకున్నారు. తన పేరును మార్కో రూబియో నుంచి ‘మార్కో లూ’గా మార్చుకుని చైనాకు వచ్చారు. పేరు స్పెల్లింగ్ ఆధారంగా నిషేధం అమలులో ఉన్నందున ఆయన తన ఇంటిపేరును ‘లూ’ అనే చైనీస్ పదంతో భర్తీ చేశారని ఇద్దరు దౌత్యవేత్తలు ధ్రువీకరించినట్లు తెలుస్తోంది. కాగా రూబియో పర్యటనపై నిషేధం ఉన్నా చైనా అడ్డుకోకపోవడం గమనార్హం.
ఇది కూడా చదవండి..: Global Cost Cutting | అంతటా పొదుపు మంత్రమే.. 40కి పైగా దేశాల్లో ఆంక్షలు
