అక్షరటుడే వెబ్డెస్క్:Mosquito Coil Health Risks|దోమల నుండి రక్షణ కోసం మనం ఇంట్లో వెలిగించే అగర్బత్తీలే ప్రాణాంతక వ్యాధులకు కారణమవుతున్నాయని తాజా పరిశోధనలో వెల్లడైంది. ‘హోమ్ ఇన్సెక్ట్ కంట్రోల్ అసోసియేషన్’ (HICA) , ‘కంటార్’ సంస్థలు సంయుక్తంగా నిర్వహించిన ఈ అధ్యయనం ప్రకారం.. అక్రమంగా విక్రయిస్తున్న దోమల అగర్బత్తీలు డెంగ్యూ, మలేరియా కంటే వేగంగా ఆరోగ్యాన్ని దెబ్బతీస్తున్నాయి. మే 16న జరగనున్న ‘జాతీయ డెంగ్యూ దినోత్సవం’ సందర్భంగా ప్రజలను అప్రమత్తం చేసేందుకు ఈ నివేదికను విడుదల చేశారు.
Mosquito Coil Health Risks|వైద్యుల ఆందోళన..
ఈ అధ్యయనంలో పాల్గొన్న 70 శాతం మంది వైద్యులు అనుమతి లేని దోమల అగర్బత్తీలను ప్రధాన శ్వాసకోశ ముప్పుగా పేర్కొన్నారు. పల్మనాలజిస్టులు , పీడియాట్రిషియన్ల అభిప్రాయం ప్రకారం, ఈ అగర్బత్తీల నుంచి వెలువడే పొగ సిగరెట్ పొగతో సమానమైన నష్టాన్ని కలిగిస్తుంది. సర్వేలో పాల్గొన్న 67 శాతం మంది వైద్యులు ఇదే అభిప్రాయాన్ని వ్యక్తం చేయగా, వీటిని నిరంతరం వాడటం వల్ల కుటుంబాల వైద్య ఖర్చులు సగటున 84 శాతం పెరుగుతున్నాయని తేలింది.
Mosquito Coil Health Risks|రసాయనాల వివరాలను గోప్యంగా..
అక్రమ మార్కెట్ , సెంట్రల్ ఇన్సెక్టిసైడ్స్ రిజిస్ట్రేషన్ (CIR) లేకపోవడం
భారతదేశంలో దోమల నివారణ అగర్బత్తీల మార్కెట్ విలువ రూ. 2,000 కోట్లు కాగా, అందులో ఏకంగా 85 శాతం వాటా అక్రమ సంస్థలదే ఉండటం ఆందోళన కలిగిస్తోంది. ఈ ఉత్పత్తులకు ఎటువంటి ప్రభుత్వ అనుమతులు కానీ, తప్పనిసరిగా ఉండాల్సిన ‘సీఐఆర్’ (CIR) రిజిస్ట్రేషన్ లేబుల్ కానీ ఉండవు. కంఫర్ట్, రిలాక్స్, స్లీప్వెల్ వంటి ఆకర్షణీయమైన పేర్లతో విక్రయించే ఈ ఉత్పత్తులలో వాడే రసాయనాల వివరాలను కూడా గోప్యంగా ఉంచుతున్నారు. అయినప్పటికీ, 59 శాతం భారతీయ కుటుంబాలు వీటినే వాడుతున్నాయని సర్వే వెల్లడించింది.
Mosquito Coil Health Risks|వినియోగదారుల అపోహలు ..
వినియోగదారుల అవగాహనకు, వాస్తవానికి మధ్య పెద్ద వ్యత్యాసం ఉందని ఈ నివేదిక హైలైట్ చేసింది. దాదాపు 48 శాతం మంది ఇవి కెమిస్ట్ షాపుల్లో దొరుకుతున్నాయి కాబట్టి సురక్షితమని భావిస్తుండగా, 50 శాతం మంది ఇవి హెర్బల్ లేదా సిట్రోనెల్లా ఆధారితవి కాబట్టి హాని చేయవని నమ్ముతున్నారు. అయితే, ఈ నమ్మకం తప్పుదోవ పట్టించేదేనని 66 శాతం మంది వైద్యులు స్పష్టం చేస్తున్నారు. ఎటువంటి నియంత్రణ లేకపోవడం వల్ల ఇటువంటి ఉత్పత్తులతో మరిన్ని ఎక్కువ ప్రమాదాలు ఉన్నాయని వారు హెచ్చరిస్తున్నారు.
Mosquito Coil Health Risks|హెచ్ఐసీఏ (HICA) సూచనలు ..
హెచ్ఐసీఏ డైరెక్టర్ జయంత్ దేశ్పాండే మాట్లాడుతూ, స్థానిక దుకాణాల్లో దొరికే చాలా అగర్బత్తీలకు పరీక్షలు నిర్వహించలేదని, అవి చట్టవిరుద్ధమని పేర్కొన్నారు. వినియోగదారులు సీఐఆర్ రిజిస్ట్రేషన్ నంబర్ స్పష్టంగా ఉన్న ఉత్పత్తులను మాత్రమే ఎంచుకోవాలని ఆయన సూచించారు. అధికారులు ఆమోదించిన, ఇళ్ల లోపల వాడటానికి సురక్షితమని నిరూపితమైన దోమల నివారణ మందులను మాత్రమే వాడటం ఉత్తమమని ఆయన తెలిపారు.
Mosquito Coil Health Risks|నిపుణుల హెచ్చరిక..
ఎస్.ఎల్. రహేజా హాస్పిటల్ క్రిటికల్ కేర్ డైరెక్టర్ డాక్టర్ సంజిత్ శశీధరన్ మాట్లాడుతూ, ఈ అక్రమ ఉత్పత్తులలో పైరెథ్రాయిడ్స్, ఆర్గానో ఫాస్ఫేట్లు , భార లోహాలు వంటి విషపూరిత పదార్థాలు ఉండే అవకాశం ఉందని వివరించారు. వీటివల్ల శ్వాసనాళాల్లో చికాకు కలిగి నిరంతరం దగ్గు, శ్వాస తీసుకోవడంలో ఇబ్బందులు తలెత్తుతాయి. ముఖ్యంగా చిన్నారులు, వృద్ధులు , ఆస్తమా రోగులు ఈ పొగ బారిన పడకుండా జాగ్రత్త వహించాలని ఆయన హెచ్చరించారు.
ఇది కూడా చదవండి: Revanth Reddy Convoy | సీఎం రేవంత్రెడ్డి కాన్వాయ్లో వాహనాల తగ్గింపు!
