అక్షరటుడే వెబ్డెస్క్: NEET Telegram Ban | నీట్ యూజీ (NEET-UG) పరీక్ష పేపర్ లీక్ ఉదంతం దేశవ్యాప్తంగా సంచలనం సృష్టిస్తున్న నేపథ్యంలో, కేంద్ర ప్రభుత్వం కీలక నిర్ణయం తీసుకుంది. పరీక్షా పత్రాల లీకేజీని, తప్పుడు వార్తల వ్యాప్తిని అరికట్టేందుకు ప్రముఖ మెసేజింగ్ యాప్ ‘టెలిగ్రామ్’పై తాత్కాలిక నిషేధం విధించింది. జూన్ 21న జరగనున్న నీట్ రీటెస్ట్ ముగిసే వరకు అంటే జూన్ 22 వరకు ఈ ఆంక్షలు అమల్లో ఉంటాయని కేంద్రం స్పష్టం చేసింది.
NEET Telegram Ban | అక్రమాలకు అడ్డుకట్ట..
టెలిగ్రామ్లోని ‘మెసేజ్-ఎడిటింగ్’ ఫీచర్ను దుర్వినియోగం చేస్తూ, పాత మెసేజ్లను మార్చి నకిలీ సాక్ష్యాలను సృష్టిస్తున్నారని నేషనల్ టెస్టింగ్ ఏజెన్సీ (NTA) గుర్తించింది. దీనిని నివారించేందుకు ఈ చర్యలు తీసుకున్నట్లు ప్రభుత్వం తెలిపింది. తప్పుడు ప్రచారాలు చేసే ముఠాలను అరికట్టేందుకే ఈ తాత్కాలిక బ్లాక్ విధించినట్లు ప్రభుత్వం పేర్కొంది.
NEET Telegram Ban | నిషేధాన్ని వ్యతిరేకించిన టెలిగ్రామ్..
కేంద్రం తీసుకున్న ఈ నిర్ణయంపై టెలిగ్రామ్ వ్యవస్థాపకుడు పావెల్ దురోవ్ తీవ్ర ఆగ్రహం వ్యక్తం చేశారు. యాప్ను నిషేధించినంత మాత్రాన సమస్య పరిష్కారం కాదని, నిందితులపై చర్యలు తీసుకోవడం ముఖ్యమని ఆయన అభిప్రాయపడ్డారు. ఈ నిషేధం వల్ల కోట్లాది మంది సామాన్య వినియోగదారులు ఇబ్బందులకు గురవుతారని ఆయన ఆవేదన వ్యక్తం చేశారు. నిందితులు టెలిగ్రామ్ లేకపోయినా ఇతర యాప్ల ద్వారా అక్రమాలకు పాల్పడే అవకాశం ఉందని ఆయన వాదించారు.
NEET Telegram Ban | కోర్టులో సవాల్..
కేంద్రం విధించిన ఈ నిషేధాన్ని సవాలు చేస్తూ టెలిగ్రామ్ సంస్థ ఢిల్లీ హైకోర్టును ఆశ్రయించింది. ఈ పిటిషన్ను అత్యవసరంగా విచారణకు స్వీకరించిన హైకోర్టు, దీనిపై కీలక పరిశీలన చేపట్టింది. ప్రస్తుతం ఈ వ్యవహారం న్యాయస్థానం పరిధిలో ఉండటంతో అందరి దృష్టి కోర్టు తీర్పుపైనే ఉంది.
ఇది కూడా చదవండి: Kavitha Singareni Comments | తెలంగాణ ఇజ్జత్ తీస్తున్న సీఎం.. కవిత సంచలన వ్యాఖ్యలు
