సినిమాSouth Producers Decision | దక్షిణాది సినీ నిర్మాతల కీల‌క‌ నిర్ణయం.. ఇక నుంచి ఓటీటీ...

South Producers Decision | దక్షిణాది సినీ నిర్మాతల కీల‌క‌ నిర్ణయం.. ఇక నుంచి ఓటీటీ నిబంధనలపై కఠిన వైఖరి

సినీ పరిశ్రమను ప్రభావితం చేస్తున్న సవాళ్లను ఎదుర్కొనేందుకు దక్షిణాది నిర్మాతలు ఒక్కటయ్యారు. హైదరాబాద్‌లో జరిగిన కీలక సమావేశంలో SIFPA ఏర్పాటు చేస్తూ, ఓటీటీవిండోస్, థియేట్రికల్ నిబంధనలపై ఏకపక్ష నిర్ణయాలను తీవ్రంగా ఖండించారు.

అక్షరటుడే, వెబ్​డెస్క్ : South Producers Decision | దక్షిణాది చలనచిత్ర పరిశ్రమలో కీలకమైన పరిణామం చోటుచేసుకుంది. సినీ నిర్మాణ రంగం ఎదుర్కొంటున్న సవాళ్లను సమష్టిగా ఎదుర్కొనే లక్ష్యంతో, దక్షిణాది రాష్ట్రాలకు చెందిన ప్రముఖ నిర్మాతలు (Producers) ఒక వేదికపైకి వచ్చారు.

హైదరాబాద్‌ (Hyderabad)లోని హోటల్ దసపల్లాలో ఆదివారం జరిగిన ఈ సమావేశంలో తెలంగాణ (Telangana), ఆంధ్రప్రదేశ్, తమిళనాడు, కేరళ రాష్ట్రాలకు చెందిన నిర్మాతలు, సంఘాల ప్రతినిధులు పాల్గొన్నారు. ఈ సమావేశం అనంతరం విడుదల చేసిన అధికారిక ప్రకటనలో, సినీ నిర్మాణ వ్యవస్థను ప్రభావితం చేసే కీలక అంశాలపై చర్చించినట్లు వెల్లడించారు. ముఖ్యంగా థియేట్రికల్ విడుదల నిబంధనలు మరియు OTT విడుదల విండోపై ఇతర వర్గాలు ఏకపక్షంగా తీసుకుంటున్న నిర్ణయాలను నిర్మాతలు తీవ్రంగా ఖండించారు.

South Producers Decision | SIFPA ఏర్పాటు:

ప్రస్తుత సినీ నిర్మాణ వ్యవస్థ వేలాది మంది జీవనోపాధికి ఆధారం కావడంతో, అకస్మాత్తుగా మార్పులు చేయడం వల్ల పరిశ్రమలో గందరగోళం నెలకొనే ప్రమాదం ఉందని వారు స్పష్టం చేశారు. ఇప్పటికే వివిధ దశల్లో ఉన్న సినిమాలకు ఇది ప్రతికూల ప్రభావం చూపుతుందని హెచ్చరించారు.ఈ సమావేశంలో ముఖ్య నిర్ణయంగా ‘సౌత్ ఇండియన్ ఫిల్మ్ ప్రొడ్యూసర్స్ అసోసియేషన్ (SIFPA)’ను ఏర్పాటు చేయాలని ఏకగ్రీవంగా తీర్మానించారు. నిర్మాతల ప్రయోజనాలను దీర్ఘకాలికంగా కాపాడటమే ఈ సంఘం ప్రధాన లక్ష్యంగా పేర్కొన్నారు.

South Producers Decision | స్టీరింగ్​ కమిటీ

నాలుగు దక్షిణాది భాషా పరిశ్రమల నుంచి ప్రతినిధులతో కూడిన ఒక ఉన్నత స్థాయి స్టీరింగ్ కమిటీని ఏర్పాటు చేశారు. ఈ కమిటీ పరిశ్రమ ఎదుర్కొంటున్న తక్షణ సమస్యలను పర్యవేక్షించడంతో పాటు, నిర్మాతల మధ్య సమన్వయాన్ని పెంపొందించడంలో కీలక పాత్ర పోషించనుంది. సభ్యులైన నిర్మాతలు Producers తమ సినిమాల నిర్మాణం, హక్కుల విక్రయం, విడుదల తేదీల విషయంలో స్వతంత్రంగా నిర్ణయాలు తీసుకోవాలని సూచించారు. ఇతర సంఘాల నిబంధనలకు కట్టుబడాల్సిన అవసరం లేదని స్పష్టం చేశారు.

OTT విడుదల విండోస్ విషయంలో ఎటువంటి హామీ పత్రాలు ఇవ్వవద్దని నిర్మాతలను కోరారు. పరిశ్రమ ఆర్థిక భద్రతను దృష్టిలో ఉంచుకుని, ఈ అంశంపై అన్ని వర్గాల మధ్య చర్చల ద్వారా మాత్రమే నిర్ణయాలు తీసుకోవాలని అభిప్రాయపడ్డారు. ఈ సమావేశం దక్షిణాది సినీ పరిశ్రమలో ఒక కీలక మలుపుగా భావించబడుతోంది. నిర్మాతల ఐక్యతతో భవిష్యత్‌లో పరిశ్రమ మరింత స్థిరంగా ముందుకు సాగుతుందని ఆశాభావం వ్యక్తమవుతోంది.

South Producers Decision

దీనిని కూడా చదవండి : Rashmika Mysaa Movie | ‘మైసా’ కోసం రష్మిక కఠిన శిక్షణ.. యాక్షన్ అవతార్‌లో నేషనల్ క్రష్

Srinivas Kolluri
Srinivas Kollurihttps://aksharatodaynews.com/
తెలుగు మీడియాలో 9 ఏళ్ల అనుభవం ఉంది. 2016లో సాక్షి జర్నలిజం స్కూల్​లో చేరాను. అనంతరం సాక్షి దినపత్రిక కరీంనగర్​, నిజామాబాద్​ డెస్క్​లలో సబ్​ ఎడిటర్​గా పని చేశాను. 2025 ఫిబ్రవరి నుంచి ‘అక్షరటుడే’లో అసిస్టెంట్​ చీఫ్​ సబ్​ ఎడిటర్​గా విధులు నిర్వహిస్తున్నాను. జాతీయ, అంతర్జాతీయ, రాజకీయ, సినిమా, క్రీడ, క్రైమ్​ ఆర్టికల్స్ రాస్తుంటాను.

LEAVE A REPLY

Please enter your comment!
Please enter your name here

Share post:

Popular

More like this
Related

Harish Rao TRS row | TRS పేరుతో హరీష్ రావు సొంత పార్టీ!..ఇది కొత్త వ్యూహమా..?

అక్షరటుడే, వెబ్‌డెస్క్‌: Harish Rao TRS row | తెలంగాణ రాజకీయాల్లో ఆసక్తికర...

Sridip Success Story | తండ్రి మరణంతో కన్నీటి చుక్కలు రాసిన అక్షరాల విజయగాథ!

అక్షరటుడే, ఎల్లారెడ్డి: Sridip Success Story | పరీక్ష హాలులో ప్రశ్నపత్రాన్ని...

SRH Powerplay Score | SRH ఊచకోత.. MI బౌలర్లపై విరుచుకుపడ్డ ఓపెనర్లు.. పవర్‌ప్లేలోనే మ్యాచ్ మలుపు!

అక్షరటుడే, వెబ్‌డెస్క్‌: SRH Powerplay Score | ఐపీఎల్‌లో మరోసారి రన్‌ఫెస్ట్‌కు...

Pallikonda Theft Case | పల్లికొండలో దొంగల హల్​చల్​.. ఐదు తులాల బంగారం దోపిడీ..

అక్షరటుడే, భీమ్​గల్: Pallikonda Theft Case | దొంగలు హల్​చల్​ చేశారు....