హైదరాబాద్: ఆసియా ప్రాంతంలోని సంక్లిష్టమైన పెట్టుబడి అవకాశాలను చేజిక్కించుకోవడానికి బేన్ క్యాపిటల్ తన అనుసంధాన ప్లాట్ఫారమ్ను మరింత బలోపేతం చేసింది. ఇండియా, జపాన్, చైనా, ఆస్ట్రేలియా, కొరియా దేశాలలో విస్తరించి ఉన్న ఈ వ్యవస్థ ద్వారా సాంకేతికత, ఆరోగ్య సంరక్షణ, ఆర్థిక సేవల రంగాలలో పెట్టుబడులు పెట్టనున్నారు. స్థానిక మార్కెట్ అవగాహన కార్యాచరణ నైపుణ్యంతో కంపెనీల పూర్తి సామర్థ్యాన్ని వెలికితీయడమే తమ లక్ష్యమని సంస్థ వెల్లడించింది.
బేన్ క్యాపిటల్ సంస్థ ఆసియా వ్యాప్తంగా జపాన్, ఇండియా, చైనా, ఆస్ట్రేలియా కొరియా దేశాలలో ఒక పూర్తి సమగ్రమైన ప్రైవేట్ ఈక్విటీ ప్లాట్ఫారమ్ను నిర్మించి విజయవంతంగా ముందుకు సాగుతోంది. ఈ ప్లాట్ఫారమ్లో సుమారు 200 మంది పెట్టుబడి నిర్వహణ నిపుణులు నిరంతరం పనిచేస్తున్నారు.
వీరంతా సాంకేతికత (Technology), పారిశ్రామిక రంగం, వినియోగదారుల ఉత్పత్తులు, ఆరోగ్య సంరక్షణ (Healthcare) వ్యాపార, ఆర్థిక సేవల విభాగాలలో పెట్టుబడులపై ప్రత్యేక దృష్టి పెట్టారు. గ్లోబల్ ప్రైవేట్ ఈక్విటీతో పాటు క్రెడిట్, ఇన్సూరెన్స్, రియల్ ఎస్టేట్ టెక్ ఆపర్చునిటీస్ వంటి అనుబంధ వ్యాపారాల పరస్పర సహకారం కూడా ఈ ప్రాంతంలో సంక్లిష్టమైన పెట్టుబడి అవకాశాలను సమర్థవంతంగా ఎదుర్కోవడానికి అవసరమైన వనరులను అందిస్తోంది.
బేన్ క్యాపిటల్ ఆసియా ప్రైవేట్ ఈక్విటీ పార్ట్నర్ హెడ్ యుజి సుగిమోటో మాట్లాడుతూ, మేనేజ్మెంట్ బృందాలతో సన్నిహిత భాగస్వామ్యం వ్యూహాత్మక మార్పుల ద్వారా కంపెనీలు తమ పూర్తి సామర్థ్యాన్ని చాటుకునేలా చేయడమే తమ వ్యాపార నమూనా అని వివరించారు. గత 20 ఏళ్లలో మార్కెట్ ఒడిదుడుకులతో సంబంధం లేకుండా స్థానిక అవగాహనతో బలమైన ఫలితాలను అందించగలిగామని, రాబోయే రోజుల్లో ఆసియాలో మరిన్ని గొప్ప అవకాశాలు ఉన్నాయని ఆయన పేర్కొన్నారు.
ఈ వేదిక ముఖ్యంగా కార్పొరేట్ కార్వ్-అవుట్లు, వ్యవస్థాపకుల మార్పులు, పరిశ్రమల విలీనాలు అంతర్గత పునర్నిర్మాణం వంటి క్లిష్ట పరిస్థితులలో అర్ధవంతమైన ప్రయోజనాన్ని సృష్టించడానికి అనువుగా ఉంటుంది. ఇప్పుడు అందుబాటులోకి వచ్చిన కొత్త ఆసియా ఫండ్ VI నిధులతో ఈ ప్రాంతవ్యాప్తంగా ఉన్న పరిశ్రమల పరివర్తనలో భాగస్వామ్యాన్ని మరింత బలోపేతం చేయనున్నారు.
