అక్షరటుడే వెబ్డెస్క్: Bike Purchase Coins | ప్రస్తుత కాలంలో బైక్ కొనడం సర్వసాధారణం కావచ్చు, కానీ ఒక వ్యక్తి బైక్ను కొనుగోలు చేయడానికి ఎంచుకున్న మార్గం ఇప్పుడు సోషల్ మీడియాలో చర్చనీయాంశంగా మారింది. నల్లగొండ జిల్లా చిట్యాల మండలం వెలిమినేడుకు చెందిన కొండే రఘుపతి అనే యువకుడు, తన చిరకాల స్వప్నాన్ని నెరవేర్చుకోవడానికి వినూత్నంగా పది రూపాయల నాణేలను ఉపయోగించాడు.
Bike Purchase Coins | 1.10 లక్షల విలువైన బైక్..
రఘుపతి చాలా కాలంగా ఒక కొత్త బైక్ కొనాలని లక్ష్యంగా పెట్టుకున్నాడు. అందుకోసం రోజువారీగా రూ. 10 నాణేలను సేకరిస్తూ వచ్చాడు. అలా కొద్దికొద్దిగా పొదుపు చేస్తూ రూ. 1.10 లక్షల విలువైన బైక్ కొనే స్థాయికి చేరుకున్నాడు. అనుకున్న సమయం రాగానే, తాను దాచుకున్న నాణేలన్నింటినీ కవర్లలో భద్రపరుచుకుని స్థానిక ‘శ్రీ వినాయక మోటార్స్’ షోరూమ్కు చేరుకున్నాడు.
Bike Purchase Coins | ఆశ్చర్యపోయిన షోరూమ్ సిబ్బంది..
యువకుడు కవర్ల కొద్దీ నాణేలను తీసుకురావడం చూసి షోరూమ్ సిబ్బంది మొదట ఆశ్చర్యపోయారు. అయితే, అతని పట్టుదలను అభినందిస్తూ, ఆ నాణేలన్నింటినీ కిందపోసి గంటల తరబడి శ్రమించి లెక్కించారు. మొత్తం సొమ్ము సరిపోవడంతో షోరూమ్ నిర్వాహకులు రఘుపతికి బైక్ను అప్పగించారు.
Bike Purchase Coins | వైరల్ దృశ్యాలు..
సిబ్బంది నాణేలను లెక్కిస్తున్న వీడియోలు, ఫోటోలు ప్రస్తుతం సామాజిక మాధ్యమాల్లో వైరల్గా మారాయి. రఘుపతి పొదుపు సామర్థ్యాన్ని, పట్టుదలను చూసి నెటిజన్లు ప్రశంసల్లు కురిపిస్తున్నారు. అదే సమయంలో, కస్టమర్ కోరికను కాదనకుండా గంటల పాటు ఓపికగా నాణేలను లెక్కించిన షోరూమ్ సిబ్బంది తీరుకు కూడా పలువురు సోషల్ మీడియా వేదికగా సెల్యూట్ చేస్తున్నారు.
చిల్లర తెచ్చి.. బైకు కొనుగోలు చేసి..
యాదాద్రి-భువనగిరి జిల్లాకు చెందిన ఒక వ్యక్తి చిల్లర నాణేలు చెల్లించి బైకు కొనుగోలు చేశాడు. చిట్యాల మండలం వెలిమినేడు గ్రామానికి చెందిన కొండే రఘుపతి, చిట్యాలలోని శ్రీ వినాయక మోటార్స్ నుంచి రూ. 1.10 లక్షల విలువైన ‘హీరో స్ప్లెండర్ ప్లస్’ బైక్ను… pic.twitter.com/3Xe3o6pM68
— Akshara Today | Telugu News (@aksharatoday) July 8, 2026
ఇది కూడా చదవండి: Prambanan Temple | ఓం నమః శివాయ మంత్రోచ్ఛారణలతో మా ర్మోగిన ప్రంబనన్.. ఇండోనేషియాలో ప్రధాని మోదీ ప్రత్యేక పూజలు
