అక్షరటుడే, వెబ్డెస్క్: By-Election Counting | దేశంలోని పలు స్థానాల్లో ఇటీవల ఉప ఎన్నిక జరిగిన విషయం తెలిసిందే. కౌంటింగ్ ప్రక్రియ కొనసాగుతోంది. తమిళనాడు, పశ్చిమ బెంగాల్, పుదుచ్చేరిలలోని ఐదు అసెంబ్లీ స్థానాలు, అలాగే అస్సాంలోని నగావ్ లోక్‌సభ స్థానానికి సంబంధించిన ఓట్ల లెక్కింపు కొనసాగుతోంది.
By-Election Counting | ఆరు స్థానాల్లో ఎన్నికలు
అస్సాం (Assam)లోని ఒక లోక్‌సభ స్థానం, పశ్చిమ బెంగాల్, తమిళనాడు, పుదుచ్చేరిలలోని ఐదు అసెంబ్లీ స్థానాలకు అక్టోబర్ 6న ఉప ఎన్నికలు జరిగాయి. ఓట్ల లెక్కింపు కొనసాగుతోంది. ఈ ఎన్నికలు బెంగాల్‌లో బీజేపీకి, తమిళనాడులో విజయ్ నేతృత్వంలోని టీవీకేకి తొలి పరీక్షగా నిలిచాయి.
By-Election Counting | తమిళనాడులో టీవీకే.
తమిళనాడు ప్రాథమిక ఫలితాల్లో టీవీకే ముందంజలో ఉంది. మొదటి రౌండ్ లెక్కింపు తర్వాత ధరాపురం, మధురాంతకం నియోజకవర్గాల్లో TVK ఆధిక్యంలో కొనసాగుతోంది. మరోవైపు బెంగాల్ అసెంబ్లీలోని రెండు స్థానాల్లో బీజేపీ ముందంజలో ఉంది.
By-Election Counting | రెజినగర్, నందిగ్రామ్ ఫలితాలపై ఆసక్తి
పశ్చిమ బెంగాల్‌లోని రెజినగర్, నందిగ్రామ్ అసెంబ్లీ ఉప ఎన్నికల ఫలితాలపై ఆసక్తి నెలకొంది. TMC 15 ఏళ్ల పాలనకు BJP చరమగీతం పలికిన తర్వాత.. రాష్ట్ర రాజకీయ పరిస్థితులు ఎలా ఉన్నాయనే దానిపై ఈ ఫలితాలు ఒక సంకేతాన్ని ఇస్తాయని భావిస్తున్నారు.ఇక అస్సాంలోని నాగావ్ లోక్‌సభ ఉప ఎన్నికలో BJP అభ్యర్థి దేవాశిష్ శర్మ, కాంగ్రెస్ అభ్యర్థి శిబమణి బోరా, AIUDF అధినేత బద్రుద్దీన్ అజ్మల్ పోటీలో ఉన్నారు. ఈ నియోజకవర్గంలో 76.19 శాతం ఓటింగ్ నమోదైంది.పుదుచ్చేరిలోని తట్టంచవడిలో ఉప ఎన్నిక జరిగింది. దీనిని ముఖ్యమంత్రి ఎన్.రంగస్వామి నేతృత్వంలోని NDA ప్రభుత్వానికి ఒక పరీక్షగా భావిస్తున్నారు.
ఇది కూడా చదవండి..: BSF Bus Accident | ఘోర రోడ్డు ప్రమాదం.. 32 మంది బీఎస్‌ఎఫ్‌ సిబ్బందికి గాయాలు
