అక్షరటుడే, బాన్సువాడ: Country Bomb Blast | పట్టణంలోని (Banswada) ఎర్రమన్ కచ్చా ప్రాంతంలో ఆదివారం నాటు బాంబులు పేలిన ఘటన తీవ్ర కలకలం రేపింది. ఈ ప్రమాదంలో ఆరుగురు గాయపడగా, వారిలో ఇద్దరి పరిస్థితి విషమంగా ఉన్నట్లు సమాచారం.
Country Bomb Blast | ఎర్రమన్ కచ్చా ప్రాంతంలో..
వివరాల్లోకి వెళ్తే.. ఎర్రమన్ కచ్చా ప్రాంతానికి చెందిన దాసరి లక్ష్మయ్య ఇంటి వద్ద మోపెడ్‌లో పందుల వేట కోసం నిల్వ ఉంచిన నాటు బాంబులు ప్రమాదవశాత్తు ఒక్కసారిగా పేలినట్లు తెలుస్తోంది. భారీ శబ్దంతో పేలుడు సంభవించడంతో స్థానికులు భయాందోళనకు గురయ్యారు. ఈ ఘటనలో దాసరి లక్ష్మయ్యతో పాటు మరో ఐదుగురు గాయపడ్డారు. పేలుడు ధాటికి గాయపడిన వారిని స్థానికులు వెంటనే బాన్సువాడ ప్రభుత్వ ఆస్పత్రికి తరలించారు. ఇద్దరి పరిస్థితి విషమంగా ఉన్నట్లు సమాచారం. విషయం తెలుసుకున్న పోలీసులు ఘటనా స్థలానికి చేరుకుని పరిశీలించారు. పేలుడుకు గల పూర్తి కారణాలు, బాంబుల నిల్వ వెనుక ఉన్న వివరాలపై పోలీసులు ఆరా తీస్తున్నారు.
ఇది కూడా చదవండి: అనంతపురంలో టీడీపీ రిగ్గింగ్‌ ఆరోపణలు..
