రిజర్వ్ బ్యాంక్ ఆఫ్ ఇండియా (RBI) తాజా నిబంధనల నేపథ్యంలో, నాన్-రెసిడెంట్ ఇండియన్స్ (NRI) కోసం డీబీఎస్ బ్యాంక్ ఇండియా తమ ఫారిన్ కరెన్సీ నాన్-రెసిడెంట్ (బ్యాంక్) [FCNR(B)] డిపాజిట్లపై వడ్డీ రేట్లను సవరించింది. 1 జులై 2026 నుంచి అమలులోకి వచ్చిన ఈ కొత్త రేట్ల ప్రకారం, 3 నుండి 5 ఏళ్ల కాలపరిమితి కలిగిన యూఎస్ డాలర్ ఎఫ్సీఎన్ఆర్(బి) డిపాజిట్లపై ఏడాదికి 5.6% వరకు వడ్డీని పొందవచ్చు.
ఎఫ్సీఎన్ఆర్ (బి) డిపాజిట్ల ప్రధాన ప్రయోజనాలు:
ఆకర్షణీయమైన రాబడి: విదేశీ కరెన్సీలో పొదుపు చేస్తూనే మెరుగైన వడ్డీని పొందే అవకాశం.
పూర్తి స్వదేశీ బదిలీ: డిపాజిట్ చేసిన నిధులను పూర్తిస్థాయిలో స్వదేశానికి పంపుకోవచ్చు (Fully repatriable).
కరెన్సీ రక్షణ: అసలు , వడ్డీ రెండింటినీ విదేశీ కరెన్సీలోనే చెల్లించడం ద్వారా, మెచ్యూరిటీ సమయంలో మారకం రేటు హెచ్చుతగ్గుల వల్ల కలిగే నష్టాలను తగ్గించుకోవచ్చు.
అనువైన కాలపరిమితి: 3 నుండి 5 ఏళ్ల వరకు కస్టమర్ల అవసరాలకు తగ్గట్టుగా ఎంచుకోవచ్చు.
లాక్-ఇన్ పీరియడ్: ఒక సంవత్సరం తప్పనిసరి లాక్-ఇన్ పీరియడ్ ఉంటుంది, ఈ సమయంలో ముందస్తు విత్డ్రాయల్కు అనుమతి ఉండదు.
డీబీఎస్ ట్రెజర్స్ & భద్రత:
డీబీఎస్ బ్యాంక్ ఇండియా తన ఎన్నారై బ్యాంకింగ్ విభాగమైన ‘డీబీఎస్ ట్రెజర్స్’ (DBS Treasures) ద్వారా ఖాతాదారులకు బ్యాంకింగ్, సంపద నిర్వహణ , పెట్టుబడి పరిష్కారాలను ఒకే చోట అందిస్తోంది. గ్లోబల్ ఫైనాన్స్ సంస్థ వరుసగా 17 ఏళ్లపాటు (2009–2025) డీబీఎస్ను ఆసియాలోనే అత్యంత సురక్షితమైన బ్యాంకుగా ప్రకటించింది. అంతేకాకుండా, యూరోమనీ ప్రైవేట్ బ్యాంకింగ్ అవార్డ్స్ 2026లో డీబీఎస్ “ప్రపంచంలోనే అత్యుత్తమ ప్రైవేట్ బ్యాంక్” , “ప్రపంచంలోనే అత్యంత సురక్షితమైన ప్రైవేట్ బ్యాంక్”గా గుర్తింపు పొందింది.
అర్హత కలిగిన ఎన్ఆర్ఐలు డిజిటల్ పద్ధతిలో ఆన్లైన్లోనే ఖాతాలను తెరవవచ్చు , ఎఫ్సీఎన్ఆర్ (బి) డిపాజిట్లను చేసుకోవచ్చని బ్యాంక్ ప్రతినిధులు తెలిపారు.
