అక్షరటుడే, వెబ్డెస్క్: Ganesh Immersion MMTS Trains | హైదరాబాద్ (Hyderabad) నగరంలో గణేశ్ నిమజ్జన శోభాయాత్ర అత్యంత వైభవంగా నిర్వహిస్తారు. వేలాది విగ్రహాలను చెరువుల్లో నిమజ్జనం చేస్తారు. ఈ వేడుకను చూసేందుకు లక్షలాది మంది భక్తులు తరలి వస్తారు.
గణేశ్ నిమజ్జనం నేపథ్యంలో నగరంలోని ప్రధాన రహదారుల్లో పోలీసులు ఈ నెల 25, 26 తేదీల్లో ట్రాఫిక్ ఆంక్షలు అమలు చేయనున్నారు. శోభాయాత్ర మార్గంలో ఇతర వాహనాలను అనుమతించరు. దీంతో ప్రజలు నిమజ్జనం తిలకించేందుకు, ఇతర ప్రయాణాల కోసం ప్రజా రవాణాను ఉపయోగించుకోవాలని పోలీసులు కోరారు. ఈ మేరకు ప్రజల కోసం దక్షిణ మధ్య రైల్వే అధికారులు ప్రత్యేక ఎంఎంటీఎస్ రైళ్లను నడపనున్నారు. మెట్రో సేవలను సైతం రాత్రంతా నడపనున్నారు.
Ganesh Immersion MMTS Trains | 8 స్పెషల్ ట్రైన్లు
గణేశ విగ్రహ నిమజ్జన రాత్రి వేళల్లో ఉండే అదనపు రద్దీని దృష్టిలో ఉంచుకుని, దక్షిణ మధ్య రైల్వే ఈ నెల 25, 26తేదీల్లో రాత్రి, 27 తెల్లవారుజామున ప్రత్యేక రైళ్లను నడపనుంది. సికింద్రాబాద్ నుంచి హైదరాబాద్, హైదరాబాద్–లింగంపల్లి, లింగంపల్లి–హైదరాబాద్, హైదరాబాద్–సికింద్రాబాద్, హైదరాబాద్–లింగంపల్లి, లింగంపల్లి–ఫలక్నుమా, ఫలక్నుమా–సికింద్రాబాద్, సికింద్రాబాద్–హైదరాబాద్ మార్గాల్లో ఎంఎంటీఎస్ ప్రత్యేక రైళ్లు నడుస్తాయి. రాత్రి 11 గంటల నుంచి ఉదయం 5 గంటల మధ్య వీటిని నడపనున్నారు.
ఇది కూడా చదవండి..: Madhapur OYO Hotel Murder| మాదాపూర్ ఓయో హోటల్లో యువతి అనుమానాస్పద మృతి
