అక్షరటుడే వెబ్డెస్క్:Google Server Error|ప్రపంచవ్యాప్తంగా కోట్లాది మంది వినియోగదారులు అత్యధికంగా ఉపయోగించే గూగుల్ సెర్చ్ ఇంజిన్ సేవల్లో మంగళవారం సాంకేతిక లోపం తలెత్తింది. సెర్చ్ రిజల్ట్స్ రాకపోవడం, పేజీలు సరిగ్గా లోడ్ కాకపోవడంతో వేలాది మంది యూజర్లు ఇబ్బందులు పడ్డారు. ముఖ్యంగా గూగుల్ సెర్చ్ ఓపెన్ చేయగానే స్క్రీన్పై “Server Error” అనే మెసేజ్ కనిపించడంతో నెటిజన్లు అయోమయానికి గురయ్యారు.
Google Server Error|అసలేం జరిగింది?
భారతదేశంతో పాటు పలు దేశాల్లో ఈ సమస్య తలెత్తినట్లు సమాచారం. గూగుల్ సెర్చ్ చేయడానికి ప్రయత్నించిన యూజర్లకు.. “మీ అభ్యర్థనను ప్రాసెస్ చేసే సమయంలో అంతర్గత సర్వర్ లోపం ఏర్పడింది. మా ఇంజనీర్లు దీనిని పరిష్కరించే పనిలో ఉన్నారు” అనే సందేశం కనిపించింది. మొదట కొన్ని రకాల సెర్చ్ ఫలితాల్లోనే ఈ సమస్య మొదలవ్వగా, ఆ తర్వాత కొద్దిసేపు సెర్చ్ సేవలు పూర్తిగా నిలిచిపోయాయి.
Google Server Error|సోషల్ మీడియాలో ‘గూగుల్ డౌన్’ ట్రెండింగ్..
గూగుల్ సేవల్లో అంతరాయం ఏర్పడగానే యూజర్లు ఎక్స్ (ట్విట్టర్), రెడిట్ వంటి సోషల్ మీడియా వేదికలకు క్యూ కట్టారు. గూగుల్ కూడా డౌన్ అవుతుందా? అంటూ ఆశ్చర్యం వ్యక్తం చేస్తూ చాలా మంది స్క్రీన్షాట్లు షేర్ చేశారు. సాంకేతిక సమస్యలను ట్రాక్ చేసే ‘డౌన్ డిటెక్టర్’ (Downdetector) వెబ్సైట్లో కూడా గూగుల్ సేవలకు సంబంధించి పెద్ద ఎత్తున ఫిర్యాదులు నమోదయ్యాయి.
Google Server Error|కారణంపై స్పష్టత లేదు..
ఈ అంతరాయం వెనుక ఉన్న అసలు కారణంపై గూగుల్ సంస్థ నుండి ఇప్పటి వరకు ఎటువంటి అధికారిక ప్రకటన వెలువడలేదు. అయితే, సర్వర్ స్థాయిలో తలెత్తిన ఏదైనా భారీ సాంకేతిక లోపం వల్లనే ఇలా జరిగి ఉండొచ్చని టెక్ నిపుణులు అంచనా వేస్తున్నారు. సాధారణంగా గూగుల్ వంటి గ్లోబల్ టెక్ దిగ్గజం సేవలు నిలిచిపోవడం చాలా అరుదుగా జరుగుతుంది.
Google Server Error|తిరిగి పునరుద్ధరణ..
కొద్దిసేపటి తర్వాత చాలా ప్రాంతాల్లో గూగుల్ సెర్చ్ సేవలు క్రమంగా పునఃప్రారంభమయ్యాయి. అయినప్పటికీ, కొంతమంది యూజర్లు ఇంకా పేజీలు లోడ్ కావడంలో జాప్యం జరుగుతోందని ఫిర్యాదు చేస్తున్నారు. నిత్యం కోట్లాది మంది సెర్చ్, జీమెయిల్, మ్యాప్స్ వంటి సేవలపై ఆధారపడుతున్న తరుణంలో, కొద్ది నిమిషాల అంతరాయం కూడా ఇంటర్నెట్ ప్రపంచంపై ఎంతటి ప్రభావం చూపుతుందో ఈ ఘటన మరోసారి నిరూపించింది.
ఇది కూడా చదవండి: JCD Prabhakar Politics | తమిళనాడు అసెంబ్లీ స్పీకర్గా జేసీడీ ప్రభాకర్
