అక్షరటుడే, మెండోరా : Hello Upasarpanch Program | ఉపసర్పంచుల సమస్యల పరిష్కారం కోసం ‘హలో ఉపసర్పంచ్–చలో హైదరాబాద్’ కార్యక్రమాన్ని నిర్వహిస్తున్నట్లు ఉపసర్పంచ్ల ఫోరం రాష్ట్ర అధ్యక్షుడు బోట్ల కార్తీక్ అన్నారు. జిల్లా కేంద్రంలోని అంబేడ్కర్ చౌరస్తాలో జిల్లా ఇన్ఛార్జి మహేష్తో కలిసి బుధవారం పోస్టర్లను ఆవిష్కరించారు.
Hello Upasarpanch Program | ఉప సర్పంచ్ల చెక్పవర్పై వార్తలు..
ఆయన మాట్లాడుతూ.. ఈనెల 25న హైదరాబాద్ (Hyderabad)లోని ఇందిరాపార్క్ ధర్నా చౌక్ వద్ద నిరసన కార్యక్రమం నిర్వహిస్తున్నామన్నారు. ముందుగా అంబేడ్కర్ విగ్రహానికి పూలమాల వేసి నివాళులర్పించారు. అనంతరం పోస్టర్ను ఆవిష్కరించి మీడియాతో మాట్లాడారు. ఉపసర్పంచుల చెక్ పవర్పై వస్తున్న వార్తలను ప్రభుత్వం వెంటనే ఖండించాలని, ఉపసర్పంచులకు నెలకు రూ.5,000, వార్డు సభ్యులకు రూ.3,000 గౌరవ వేతనం ప్రకటించాలని డిమాండ్ చేశారు. ఈ సందర్భంగా ఉపసర్పంచుల సమస్యల పరిష్కారం కోసం రాష్ట్రవ్యాప్తంగా ఉన్న ప్రజాప్రతినిధులు పెద్దసంఖ్యలో హైదరాబాద్లో జరిగే ధర్నాలో పాల్గొనాలని వారు కోరారు ఈ కార్యక్రమంలో మెండోరా మండల ఉపసర్పంచ్ ఫోరం అధ్యక్షుడు బద్దం శ్రీనివాస్, సంపంగి సతీష్, రాజ్కుమార్, సతీష్ ప్రసాద్ తదితరులు పాల్గొన్నారు.
ఇది కూడా చదవండి..: Division Problems Resolution | డివిజన్లలో సమస్యల పరిష్కారానికి కృషి..: మేయర్ ఉమారాణి
